საბურთალოს რაიონის გამგებელი ბექა მიქაუტაძე მოადგილეებთან ერთად, დღეს შარტავას ქუჩის N18ა-ში იმყოფებოდა, სადაც რამდენიმე კორპუსის შიდა საერთო ეზოს გზის საფარის კეთილმოწყობა მიმდინარეობს.

თბილისის მერიის ინფორმაციით, ბექა მიქაუტაძემ სამუშაოები დაათვალიერა და ადგილობრივ მაცხოვრებლებს შეხვდა.

მათივე ცნობით, შარტავას N18ა-ს შიდა ეზოში, რომელიც კიდევ ოთხ სხვა კორპუსსაც ემიჯნება, გზის საფარი ძალიან იყო დაზიანებული და მისი რეაბილიტაციის თხოვნით ადგილობრივებმა გამგებელს ჯერ კიდევ გასულ წელს მიმართეს.

 ამავე ეზოში საბურთალოს რაიონის გამგეობა სპორტული მოედნის რეაბილიტაციასაც გეგმავს.

„ამ ეზოში გზის საფარი უმძიმეს მდგომარეობაში იყო, ფაქტობრივად, გადაადგილება შეუძლებელი იყო არა მხოლოდ ავტომობილებისათვის, არამედ ფეხით მოსიარულეებისთვისაც. კონტრაქტორმა კომპანიამ ორი დღის წინ დაასრულა მუშაობა. ასფალტის საფარი აქ 2836 კვ.მ ტერიტორიაზე მოეწყობა. ამავე ეზოში ჩვენ მალე დავიწყებთ სპორტული მოედნის რეაბილიტაციას და ეს იქნება ერთ-ერთი ყველაზე კეთილმოწყობილი ეზო ჩვენს რაიონში,“ - განაცხადა ბექა მიქაუტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ