საპარლამენტო უმრავლესობის წევრი ომარ ნიშნიანიძე აცხადებს, რომ არ გაჰკვირვებია არმაზ ახვლედიანის გადაწყვეტილება, როდესაც მან პარტიის დატოვების გადაწყვეტილება მიიღო.

ნიშნიანიძის განცხადებით, ახვლედიანი პარტიის საქმიანობას რამდენიმე თვის წინ ჩამოაშორეს. ახლა, პარტიის ყრილობაზე იგეგმებოდა მისი გარიცხვა „ოცნებიდან“, ამიტომ მან დაასწრო მოვლენებს და პარტია დატოვა.

„ის ელოდებოდა, რომ პარტიის ყრილობაზე პოლიტსაბჭოდანაც გარიცხავდნენ, ამიტომ მან დაასწრო მოვლენებს და პარტიიდან გავიდა.

არ ვიცი ვისი სურვილით, მაგრამ ფაქტია პარტიას ჩამოაშორეს. კონკრეტულად ვინ ჩამოაშორა, არ ვიცი. მე არ განვეკუთვნები იმ პოლიტელიტას, რომელიც ამ საკითხებს წყვეტს. ალბათ იყო რაღაც რაც წინააღმდეგობაში მოდიოდა „ქართულ ოცნებასთან“, შესაძლოა იდეოლოგიასთანაც.

მისი გამონათქვამები განაწყენებული კაცის შთაბეჭდილებასაც ტოვებდა. ახლა მე უარი რომ მითხრან პარტიულ სიაში ჩასმაზე ან მაჟორიტარობაზე, უნდა გავიქცე და ვთქვა, რომ „ქართულმა ოცნებამ“ პოლიტიკურ კურსს გადაუხვია?! თუ კურსს გადაუხვია „ოცნებამ“ და დანაპირები ვერ შეასრულა, აქამდე რატომ არ ისაუბრა ამაზე და აქამდე რატომ არ დატოვა პარტია ამ მოტივით? ახლა დაინახა ეს?“ - კითხულობს ომარ ნიშნიანიძე.

დეპუტატი აცხადებს, რომ ეს პროცესი „ქართული ოცნების“ რღვევის პროცესზე არ მიუთითებს.

„ეს ჩვეულებრივი პროცესია, ვიღაცეები წავლენ, ვიღაცეები მოვლენ. „ქართულ ოცნებას“ აქვს იმის რესურსი, რომ ძირითადი ბირთვი შეინარჩუნოს, რომელიც იბრძოდა 2012 წლამდე და მის შემდეგ“, - დასძენს უმრავლესობის წევრი.

ომარ ნიშნიანიძე არ ეთანხმება მოსაზრებას, რომ გუნდის შიგნით პრორუსულ ძალებსა და პროგრესული მიმართულების ჯგუფს შორის ბრძოლა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა