სახელმწიფო ქონების ეროვნული სააგენტო   სახელმწიფო ქონების ინვენტარიზაციას იწყებს. 

სამუშაოები მთელი ქვეყნის მასშტაბით ჩატარდება. დაგეგმილია ქონების აღრიცხვა და რეგისტრაცია.

პროექტის პრეზენტაცია ეკონომიკის სამინისტროში გაიმართა. როგორც მინისტრის მოადგილე დიმიტრი ქუმსიშვილმა განაცხადა, წლების განმავლობაში სახელმწიფო ქონების დიდი ნაწილი აღურიცხავი რჩებოდა და ინვენტარიზაციის შედეგად,  სახელმწიფო ბალანსზე არსებული ქონების ზუსტად აღრიცხვა შესაძლებელი გახდება.

"არის სპეციალურად დასწავლული ჯგუფები, რომლებსაც ჰქვიათ მობილური ჯგუფები და აქვთ სპეციალური ცოდნები და უნარ-ჩვევები, არის გაწერილი სპეციალური პროცესი და პროცედურა, რომლის მიხედვითაც, ისინი მიდიან  უკეთებენ ქონებას იდენტიფიცირებას. შესაბამისად, შემდეგ უკვე მოწმდება ყველა შესაძლო ბაზაში, რომელ ბაზაშიც შეიძლება რამე ინფორმაცია ვინმე მესაკუთრეზე არსებობდეს. ეს არის დონორი ორგანიზაციების მიერ თავის დროზე შედგენილი ბაზები, ადგილობრივ თვითმმართველობასთან ხდება გადამოწმება, სპეციალური ფირნიშის გამოკვრა,  სადაც ეწერება, რომ თითოეული ქონების რეგისტრაცია ხდება სახელმწიფო საკუთრებად და ა.შ. ამის შემდეგ უკვე ვახდენთ სახელმწიფო ქონების რეგისტრაციას",-განაცხადა დიმიტრი ქუმსიშვილმა.

ეკონომიკის სამინისტროს სახელმწიფო ქონების ეროვნული სააგენტოს თანამშრომლებმა ინვენტარიზაციის საპილოტე პროექტი 2013 წელს დაიწყეს. 

საერთო ჯამში, თბილისის 15 რაიონი და გარდაბანის მუნიციპალიტეტის ნაწილი აღიწერა.ქუმსიშვილის ინფორმაციით,  შედეგად, თბილისში  625, ხოლო გარდაბანში 122 აღურიცხავი სახელმწიფო ობიექტი გამოვლინდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა