ირაკლი ღარიბაშვილი: დღეს ჩვენი ქვეყანა გამოწვევების წინაშე დგას

2015-02-23 14:15:24, 555 ნახვა

პოლიტიკა

საქართველოს პრემიერ–მინისტრი ირაკლი ღარიბაშვილი იუნკერების ხსოვნისადმი მიძღვნილ ღონისძიებას დაესწრო.
პრემიერმა ჟურნალისტებთან მათ გმირობაზე ისაუბრა და აღნიშნა, რომ არა იუნკერები, ქვეყანაში რთული სიტუაცია იქნებოდა.
„მინდა, იუნკერების წინაშე ქედი მოვიხარო. ისინი არიან ჩვენი ქვეყნის, ჩვენი ხალხის მაგალითი, თუ როგორ უნდა ვიცხოვროთ. რომ არა იუნკერების გმირობა, საქართველოში დღეს ალბათ რთული სიტუაცია იქნებოდა“, – აღნიშნა ღარიბაშვილმა.
პრემიერმა საქართველოს დღევანდელი მდგომარეობა შეაფასა და განაცხადა, რომ ქვეყანა გამოწვევების წინაშე დგას, თუმცა, მისივე მტკიცებით, ხელისუფლება სწორი პოლიტიკით ამ სირთულეებს გადალახავს.
„ დღეს ჩვენი ქვეყანაც გამოწვევების წინაშე დგას, დღეს ჩვენს წინაშეა სირთულეები და მე მჯერა, რომ ამ სირთულეებს ყველანი ერთად გადავლახავთ. ჩვენი სწორი პოლიტიკით, თანმიმდევრობით და მიზანდასახულობით ქვეყანას გავაერთიანებთ“, – განაცხადა ირაკლი ღარიბაშვილმა.
ცნობისთვის, საქართველოს პარლამენტის “ხარების” სახელობის სამლოცველოში საქართველოს დამოუკიდებლობისათვის ბრძოლაში 1921 წლის თებერვალში დაღუპული იუნკრების სულის მოსახსენიებელ პანაშვიდს, პრეზიდენტი, პრემიერ-მინისტრი, მინისტრები, პარლამენტის წევრები და იუნკრების შთამომავლები დაესწრნენ. მათ იუნკრების მემორიალური დაფა გვირგვინით შეამკეს.