ახალგაზრდა პოეტი ირაკლი ჭინჭარაული გარდაიცვალა

2016-04-27 23:04:44, 4807 ნახვა

კულტურა

ახალგაზრდა ქართველი პოეტი ირაკლი ჭინჭარაული, მძიმე და ხანგრძლივი ავადმყოფობის შემდეგ, 24 წლის ასაკში გარდაიცვალა.
ახალგაზრდა პოეტმა 2015 წლის 9 ნოემბერს ავტოსაგზაო შემთხვევის შედეგად ქალა-ტვინის უმძიმესი დაზიანება. ტრამვის შედეგად განუვითარდა ჰიდროცეფალია და დიდი ზომის ჰემატომა. 23 თებერვალს ირაკლი, სასწრაფოდ იქნა გადაყვანილი ღუდუშაურის კლინიკაში,სადაც ოპერაცია გაკეთდა. იგი გარდაცვალებამდე კომატოზურ მდგომარეობაში იმყოფებოდა.

ირაკლი ჭინჭარაულის ლექსების კრებულის – „ფიქრი ნაომარის” წარდგინება გარდაცვალებამდე ერთი დღით ადრე „ბიბლუსი-გალერეაში“ გაიმართა.

გასწიეთ სევდა, მე გული მაქვს, სიცოცხლე მინდა!

აბა რავიცი სამარეში რა ბედი მერგოს.

გაიდარებენ გაზაფხულებს და თითქოს წმინდა,

თეთრი თოვლივით მიმადნობენ გალეწილ ეზოს.

გასწიეთ გული, აღარ მინდა ამდენი სევდა!

გაგვეყინება მეგობარო მერე თვალები,

დაველოდებით წითელ ვარდებს იმ ლურჯი ციდან

სადაც ოცნებით სიცოცხლეში დავიარებით!

ირაკლი ჭინჭარაული

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან