საქართველოს ეროვნული ბანკი რეგულარული ბრიფინგების გამართვას იწყებს, რომელიც წელიწადში ოთხჯერ, მომენტარული პოლიტიკის კომიტეტის სხდომის დასრულების შემდეგ გაიმართება, - ამის შესახებ ჟურნალისტებს სებ-ის პრეზიდენტმა კობა გვენეტაძემ განუცხადა.

მისივე თქმით, იმის გარდა რომ ამ ბრიფინგებზე დეტალურად ახსნიან კომიტეტის გადაწყვეტილების საფუძვლებსა და მიზეზებს, ასევე ეცდებიან უპასუხონ იმ შეკითხვებს, რომელიც დაგროვილი იქნება დროთა განმავლობაში იმ საკითხებთან დაკავშირებით, რომელიც ეროვნული ბანკის რეგულირების სფეროს ეხება და ეროვნული ბანკის მანდატის ქვეშ იმყოფება.

„ზოგადად საქართველოს ეროვნული ბანკი საკმაოდ ღია და ტრანსფარენტული ინსტიტუტია და მისი ვებ-გვერდის საშუალებით ძალიან ბევრი და სასარგებლო ინფორმაციის მოპოვება შეუძლია ყველა დაინტერესებულ პირს.

ახალი ინიციატია გულისხმობს, უფრო აქტიურ და დინამიურ ფაზაზე გადასვლას, რაც გამოიხატება რეგულარულ ბრიფინგებში.

ეს ბრიფინგები გაიმართება რეგულარულად წელიწადში ოთხჯერ, მონეტარული პოლიტიკის კომიტეტის სხდომის დასრულებისთანავე. ამ ბრიფინგებზე გარდა იმისა, რომ დეტალურად ავხსნით კომიტეტის გადაწყვეტილების საფუძვლებსა და მიზეზებს, ვეცდებით ვუპასუხოთ იმ შეკითხვებს, რომელიც დაგროვილი იქნება დროთა განმავლობაში იმ საკითხებთან დაკავშირებით, რომელიც ეროვნული ბანკის რეგულირების სფეროს ეხება და ეროვნული ბანკის მანდატის ქვეშ იმყოფება.

ამავედ როს, ბრიფინგების კალენდარი წინასწარ იქნება ცნობილი, გამოქვეყნდება ეროვნული ბანკის ვებ-გვერდზე და მედიას წინასწარ ეცოდინება თარიღი და დაწყების დრო ამ ბრიფინგებისა.

იმედი გვაქვს, რომ აქტიურად გამოიყენებთ ამ ახალ ინიციატივას და უფრო კარგად მოხერხდება იმ კომუნიკაციის დამყარება, რომლის ხარისხიც ვფიქრობ, აუცილებელია გაიზარდოს“, - განაცხადა კობა გვენეტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები