საქართველოს იუსტიციის სამინისტროს სსიპ „დანაშაულის პრევენციის ცენტრის“ ინიციატივით, სადახლოს საზოგადოებრივ ცენტრს ლიტერატორი, მთარგმნელი და პუბლიცისტი ოქტაი ქაზუმოვი  ეწვია.

შეხვედრას 35 ადგილობრივი ახალგაზრდა დაესწრო. სტუმარმა ძირითადი დრო დაუთმო მშობლიურ და შესწავლილ ენებს, სახელმწიფო ენისა და უცხო ენის სწავლების მნიშვნელობას.

ოქტაი ქაზუმოვმა სახელმწიფო ენის მაღალ დონეზე ცოდნა განიხილა, როგორც კარიერული და პიროვნული წარმატების საწინდარი; ისაუბრა ქართულიდან აზერბაიჯანულ ენაზე მთარგმენლობითი საქმიანობის შესახებაც.

შეხვედრა, რომელიც განათლებისა და წიგნის მნიშვნელობას დაეთმო, ინტერაქტიულ რეჟიმში წარიმართა. ოქტაი ქაზუმოვს თარგმნილი აქვს ქართული ლიტერატურული ნაწარმოებები აზერბაიჯანულად და აზერბაიჯანული პოეზია ქართულად, არის ავტორი პუბლიცისტური კრებულის.

აღსანიშნავია, რომ სსიპ „დანაშაულის პრევენციის ცენტრის“ ახალგაზრდული პროგრამების ფარგლებში, საზოგადოებრივ ცენტრებში ცნობილი ადამიანების ვიზიტები და შემეცნებითი შეხვედრები მომავალშიც გაგრძელდება. სხვადასხვა სოფლის მოსახლეობას ექნება მსგავს შეხვედრებში მონაწილეობის მიღების საშუალება. საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა, რომელიც ევროკავშირის ფინანსური დახმარებით ხორციელდება.

ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ