დიდუბის რაიონის გამგეობა ბინათმესაკუთრეთა ამხანაგობის განვითარების ხელშეწყობის მიზნით, რაიონის ტერიტორიაზე აღრიცხულ ბინათმესაკუთრეთა ამხანაგობებს შორის საპილოტე კონკურსს ახორციელებს.

როგორც „ექსპრესნიუსს“ თბილისის მერიიდან აცნობეს,  კონკურსის პირველი ეტაპი უკვე დასრულდა. 93-მა აპლიკანტმა უკვე შეავსო განცხადების შესაბამისი ფორმა.

 მათივე ცნობით, კონკურსი მიზნად ისახავს რაიონის ტერიტორიაზე აღრიცხული ბინათმესაკუთრეთა ამხანაგობების ეფექტური ფუნქციონირების, ამხანაგობის როგორც სამოქალაქო ინსტიტუტის მნიშვნელობისა და საჭიროების შესახებ ამხანაგობის წევრთა ცნობიერების ამაღლებას, ასევე ამხანაგობის წევრთა საერთო ქონების მოვლასა და განვითარებაში ხელშეწყობას.

 კონკურსის მიმდინარეობისას გამოვლინდებიან სხვადასხვა ტიპის მრავალბინიან საცხოვრებელ სახლებში საუკეთესო ამხანაგობები. თითოეული ჯგუფიდან კი გამოვლინდება მაქსიმუმ 20  გამარჯვებული.

  კონკურსის დასრულების შემდგომ გამარჯვებული ამხანაგობები დაჯილდოვდებიან გამგეობის მიერ ორგანიზებულ სპეციალურ ღონისძიებაზე.

კონკურსის ჩატარების შესახებინფორმაცია, წერილობითი შეტყობინების ფორმით ეცნობათ გამგეობის ტერიტორიაზე მოქმედ  ყველა ამხანაგობის  თავმჯდომარეს, ასევე საინფორმაციო სტენდი განთავსდა  გამგეობის შენობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ