საქართველოს ეკონომიკისა და მდგრადი განვითარების სამინისტროს შპს “საქაერონავიგაციას” 12 ახალი ავიამეთვალყურე შეემატა. ახალი თანამშრომლები კომპანიამ გასულ წელს კონკურსის შედეგად შეარჩია და ავიამეთვალყურის პროფესიის შესასწავლად ჩეხეთის საავიაციო უნივერსიტეტში(CANI) გააგზავნა. 

სტუდენტები ხუთი თვის განმავლობაში ჩეხეთის დედაქალაქში იმყოფებოდნენ და აქტიურად იყვნენ ჩართულები სასწავლო პროცესში. მათ შეისწავლეს ყველა ის დისციპლინა, რაც ავიამეთვალყურისთვის არის საჭირო, გადიოდნენ  თეორიულ და პრაქტიკულ მეცადინეობას. სწავლების პროცესი რთული და დატვირთული იყო, რადგან სტუდენტები ყველა საგნის გავლის შემდეგ აბარებდნენ გამოცდებს. ფინალურ გამოცდას, რომელიც თორმეტივე ავიამეთვალყურემ წარმატებით ჩააბარა, ჩეხ ლექტორებთან ერთად „საქაერონავიგაციის“ წარმომადგენლებიც დაესწრნენ.

“ახალი პერსონალის დამატების საჭიროება ფრენების გაზრდილმა რაოდენობამ გამოიწვია. ევროკონტროლის მონაცემებით, ეს ტენდენცია მომდევნო წლებშიც შენარჩუნდება და საქართველოში ფრენების რაოდენობა ყოველწლიურად საშუალოდ 6%-ით მოიმატებს. ჩვენი ორგანიზაცია ამ გამოწვევას მომზადებული ხვდება, ვავითარებთ ინფრასტრუქტურას, შევიძინეთ ახალი სანავიგაციო სისტემა და დავამატეთ ახალი ავიამეთვალყურეები. გამომდინარე იქიდან, რომ საქართველოში, ისევე როგორც ბევრ ქვეყანაში, არ არსებობს ამ პროფესიის შემსწავლელი ფაკულტეტი, ჩვენ ახალგაზრდები სასწავლებლად მსოფლიოს ერთ-ერთ წამყვან ჩეხეთის საავიაციო უნივერსიტეტში გავაგზავნეთ, სწავლებისა და ცხოვრებისთვის საუკეთესო პირობები შევუქმენით და მათ ჩვენი იმედები გაამართლეს.  ავიამეთვალყურე საპასუხისმგებლო პროფესიაა და პერსონალისგან მაქსიმალურ მობილიზებას, ყურადღებას, მაღალ პროფესიონალიზმსა და წვრილმან დეტალებზე დაკვირვებას მოითხოვს. ავიამეთვალყურე უნდა იყოს გაწონასწორებული, სწრაფად უნდა იღებდეს მნიშვნელოვან გადაწყვეტილებებს და არასოდეს უნდა იბნეოდეს. მიხარია, რომ სწორედ ამგვარი დახასიათებით დაგვიბრუნდა თორმეტივე ახალგაზრდა”, - განაცხადა შპს “საქაერონავიგაციის” გენერალურმა დირექტორმა გოჩა მეზვრიშვილმა. 

უკანასკნელი წლების განმავლობაში საქართველოს საჰაერო სივრცე უფრო და უფრო მიმზიდველი ხდება სხვადასხვა ავიაკომპანიებისთვის. მნიშვნელოვნად გაიზარდა ფრენების რაოდენობა დედაქალაქსა და რეგიონებში, ყოველწლიურად იზრდება ასევე ტრანზიტული რეისების რიცხვიც. აქედან გამომდინარე, „საქაერონავიგაცია“ კიდევ აპირებს ახალი თანამშრომლების მიღებას. უკვე გამოცხადებულია ღია კონკურსი, რომლის საფუძველზეც შერჩეული იქნება 12 ავიამეთვალყურე - 7 თბილისში, 3 ქუთაისში და 2 ბათუმში. კონკურსში გამარჯვებულები სწავლებას ჩეხეთის საავიაციო უნივერსიტეტში გაივლიან. აპლიკანტთა შერჩევა რამდენიმე ეტაპად მოხდება, რაც გულისხმობს ტესტირებას ინგლისურ ენასა და ზოგად უნარ-ჩვევებში და გასაუბრებას ადგილობრივ და უცხოელ სპეციალისტებთან. კონკურსანტებს საბოლოოდ CANI-ის წარმომადგენლები შეარჩევენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა