ქსნის მინის ტარის ქარხანამ, საერთაშორისო საფინანსო კორპორაციიის(IFC-ს) მხარდაჭერით, ქართული პროდუქციის იტალიაში ექსპორტი დაიწყო.

2016 წლის 26 აპრილს, ქარხანას IFC-ს წარმომადგენლები ეწვევიან და განახლებულ საწარმოო აღჭურვილობას მოინახულებენ, რამაც სს "მინის" საერთაშორისო მასშტაბით კონკურენტუნარიანობის ზრდასდა ევროპის ბაზარზე  ექსპორტის დაწყებას შეუწყო ხელი.

საერთაშორისო საფინანსო კორპორაციამ, რომელიც მსოფლიო ბანკის ჯგუფის წევრია, გაფართოების მიზნით, სს "მინას" 8.5 მილიონი აშშ დოლარის ოდენობის სესხი გამოუყო და დამატებით 5 მილიონი ევრო "რაბობანკისგან" მოიზიდა. IFC-სა და "რაბობანკის" ფინანსური მხარდაჭერით, ქარხანამ წარმოების ახალი, ულტრათანამედროვე ხაზი დაამატა, მანქანა-დანადგარები განააახლა და ენერგო და რესურსეფექტიანი აღჭურვილობა შეიძინა.

"ქართულ ბაზარზე არსებულ მინის პროდუქციაზე მოთხოვნა მზარდია, რის გამოც, ადგილობრივი კომპანიები ადრე თავიანთ წარმოებებში იმპორტირებულ მინის ტარსაც იყენებდნენ. ქარხნის განვითარებამ საშუალება მოგვცა, ბაზარზე არსებული მოთხოვნა სრულად დაგვეკმაყოფილებინა. "მინის" მსგავსი ადგილობრივი წარმოებების ხელშეწყობა და განვითარება ქვეყნის ეკონომიკური ზრდისთვის მეტად მნიშვნელოვანია",- განაცხადა სს "მინის" გენერალურმა დირექტორმა, უმით აიდოღანმა.

"საწარმოს  პროგრესი სახელმწიფო ბიუჯეტში შემოსავლის მატებას და ქსნის რეგიონისგანვითარებას შეუწყობს ხელს. ჩვენ მიერ განხორციელებული ინვესტიცია საქართველოში IFC-ს იმ სტრატეგიის ნაწილია, რომელიც  კონკურენტული უპირატესობისმქონე სექტორების მხარდაჭერას გულისხმობს ეკონომიკური ზრდის წახალისების მიზნით", - აღნიშნა IFC-ს სამხრეთ კავკასიის რეგიონულმა მენეჯერმა, იან ვან ბილსენმა.

IFC სს "მინასთან" უკვე 17 წელია თანამშრომლობს: პირველი ინვესტიცია ექსპორტის გაზრდის, ენერგოეფექტიანი ტექნოლოგიების და გარემოსდაცვითი საწარმოო პრაქტიკის დანერგვის მიზნით, 1999 წელს გამოუყო. IFC-ს საქმიანობის შესახებ დამატებით ინფორმაციას შეგიძლიათ გაეცნოთ ვებ-გვერდზე: www.ifc.org

საქართველოში მინის მწარმოებელი ერთადერთი ქარხანა — სს "მინა" 1997 წლიდან თურქულ სამრეწველო ჰოლდინგ "შიშეჯამის" შემადგენლობაშია. ჰოლდინგი მსოფლიოს მინის მწარმოებელთა პირველ ოთხეულში შედის. დღესდღეობით "მინის" ნაწარმს ქართულ წარმოებაში გამოყენებულ მინის პროდუქციას შორის, ბაზრის წილის 70% უკავია. მისი კლიენტები ისეთი მსხვილი ქართული და უცხოური მწარმოებლები არიან, როგორებიცაა IDS "ბორჯომი საქართველო", სს "წყალი მარგებელი", სს "ლომისი", ყველაზე პოპულარული მინერალური წყლის მწარმოებელი აზერბაიჯანში  — Babek Syrab-ი და ა.შ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა