ნაძალადევის რაიონში, მანჯგალაძის ქუჩაზე სანიაღვრე ქსელის მოწყობის სამუშაოები სრულდება.

თბილისის მერიის ინფორმაციით, აღნიშნულ მონაკვეთზე სანიაღვრე სისტემა არ არსებობდა, რაც წვიმიან ამინდში გზის ნაწილის დატბორვას იწვევდა და მოსახლეობას გადაადგილების პრობლემას წლების განმავლობაში უქმნიდა.

მერიის ცნობით, პარალელურად სრულდება მანჯგალაძის I შესახვევის რეაბილიტაციაც, სადაც  გზა 30 წელზე მეტია არ გაკეთებულა. პროექტის ფარგლებში ასფალტის საფარი 1100 კვ/მ ფართობზე დაიგო, რეაბილიტაცია ჩაუტარდა ტროტუარებს და  მოეწყო  ბორდიურები. საგზაო სამუშაოების დაწყებამდე ქუჩაზე გამოიცვალა მიწისქვეშა კომუნიკაციები.

მანჯგალაძის ქუჩის მოსახლეობას ნაძალადევის რაიონის გამგებელი ზაზა გაბუნია შეხვდა და სამუშაოები დაათვალიერა.

„სულ მცირე წვიმის დროსაც მანჯგალაძის ქუჩა მთლიანად იტბორებოდა, შესაბამისად აქ განხორციელებული სანიღვრე სისტემის მოწყობის სამუშაოები ძალიან მნიშვნელოვანია ადგილობრივებისთვის. კაპიტალური სამუშაოები ჩავატარეთ პირველ შესახვევშიც, როგორც მიწისქვეშა კოუნიკაციების, ისე მიწისზედა სამუშაოები და მოხარული ვარ, რომ ადგილობრივ მოსახლეობას დღეიდან აქვს შესაძლებლობა მოწესრიგებულ გარემოში იცხოვროს“, - განაცხადა ზაზა გაბუნიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ