საქართველოს თავდაცვის სამინისტროს და რუსთავის სასპორტო სკოლების განვითარების ცენტრის ორგანიზებით, ქალაქ რუსთავში დღეს 2008 წლის რუსეთ-საქართველოს აგვისტოს ომში გმირულად დაღუპული ვახტანგ გზირიშვილის სახელობის 12-წლამდელთა ტურნირი გაიხსნა.

თავდაცვის სამინისტროს ინფორმაციით, ტურნირში მონაწილე 6 გუნდი კენჭისყრის შედეგად „ა“ და „ბ“ ქვეჯგუფებში გადანაწილდა. დღეს „ა“ ჯგუფში თბილისის „overtime” რუსთავის მე-7 საჯარო სკოლის საკალათბურთო გუნდ „რუსთავს“ დაუპირისპირდა და ანგარიშით 69:68 დაამარცხა, ხოლო, „ბ“ ჯგუფში ორი თბილისური გუნდი შეხვდა ერთმანეთს, - თავდაცვის სამინისტროს 12-წლამდელთა გუნდმა „არმიამ“ ზაზა ფაჩულიას გუნდი „ზაზა“ ანგარიშით 56:46 დაამარცხა.

ტურნირი 23 აპრილს დასრულდება. ტურნირის ბოლო დღეს ჯგუფებში პირველ-მეორე ადგილზე გასული გუნდები პლეიოფში შეხვდებიან ერთმანეთს.

ვახტანგ გზირიშვილის სახელობის ტურნირი ყოველწლიურად გაიმართება. ტურნირის მიზანი საქართველოში კალათბურთის პოპულარიზაცია, მოზარდ კალათბურთელთა ოსტატობის დონის ამაღლება და პერსპექტიული მოთამაშეების შერჩევაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ