საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსა და აჭარის ავტონომიური რესპუბლიკის მთავრობას შორის ეკომიგრანტთა ერთიან ელექტრონულ მონაცემთა ბაზაზე წვდომასთან დაკავშირებით ხელშეკრულება გაფორმდა. 

როგორც „ექსპრესნიუსს“ ლტოლვილთა და განსახლების სამინისტროდან აცნობეს, ხელშეკრულებას ხელი მოაწერეს დევნილთა და განსახლების მინისტრმა სოზარ სუბარმა და აჭარის მთავრობის თავმჯდომარემ არჩილ ხაბაძემ. 

უწყების ინფორმაციით, ხელშეკრულების საფუძველზე, აჭარის მთავრობას შესაძლებლობა მიეცემა სტიქიით დაზარალებული ოჯახების განსახლების პროცესში სამინისტროში შექმნილი ეკომიგრანტთა ერთიანი ელექტრონული მონაცემთა ბაზით ისარგებლოს. მათ ექნებათ საშუალება საკუთარი პროექტის ფარგლებში აწარმოონ და გამოიყენონ ბაზა.

აჭარის მთავრობამ 2016 წლის ბიუჯეტში აჭარაში რეგისტრირებული ეკომიგრანტი ოჯახების განსახლების მიზნით 3 მილიონი ლარი გამოყო. 

ეკომიგრანტთა ერთიანი ელექტრონული მონაცემთა ბაზა 2015 წელს ევროკავშირის დაფინანსებით შეიქმნა. 2016 წლიდან კი დაიწყო ბაზის ფორმირება. ბაზის საშუალებით შესაძლებელი იქნება სხვადასხვა სტატისტიკური მონაცემების დამუშავება. საცხოვრებელი სახლით დაკმაყოფილებაზე განაცხადების ელექტრონული ფორმით მიღება და მათი შეფასება. აღნიშნული ბაზა იქნება ერთიანი მთელი ქვეყნის მასშტაბით. 

ხელშეკრულების შესაბამისად, იმ ეკომიგრანტ ოჯახებს რომელთა განსახლება უნდა უზრუნველყოს დევნილთა სამინისტრომ, გარდა სამინისტროს ცენტრალური აპარატისა და ტერიტორიული ორგანოებისა, საშუალება მიეცემათ, განაცხადი აჭარის ჯანდაცვის სამინისტროშიც შეავსონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია