„ხელისუფლებისთვის სასურველი და კომფორტული ოპოზიცია იქნება ის, ვინც დღეს შეთავაზებული სახელმწიფო დაფინანსების მიღებას დათანხმდება. მაინტერესებს, რომელი პარტიები წავლენ ამაზე. მინდა მჯეროდეს, რომ ცოტა. იდეალურ შემთხვევაში - არავინ“, - ასე ეხმაურება „პატრიოტთა ალიანსის“ ლიდერი ირმა ინაშვილი მმართველი გუნდის მიერ გუშინ გაკეთებულ განცხადებას, რომლის თანახმადაც კვალიფიციურ სუბიექტად ჩაითვლება ყველა ის პარტია ვინც არჩევნებზე 2% მიიღეს.

ინაშვილი აცხადებს, რომ ხელისუფლებას უნდა პარტიების ნაწილი დათანხმდეს ამ „საკენკს“ და სამაგიეროდ, ხელისუფლება ილაპარაკებს, თითქოს შეცვალა საარჩევნო გარემო და გაიზიარა ოპოზიციის მოთხოვნები.

„ხელისუფლებისთვის სასურველი და კომფორტული ოპოზიცია იქნება ის, ვინც დღეს შეთავაზებული სახელმწიფო დაფინანსების მიღებას დათანხმდება. მაინტერესებს, რომელი პარტიები წავლენ ამაზე. მინდა მჯეროდეს, რომ ცოტა. იდეალურ შემთხვევაში - არავინ.

მძიმე ღამეა ხელისუფლებისათვის. მიდის მუშაობა არასაპარლამენტო ოპოზიციასთან, ვინც წინა არჩევნებზე 2%- ი და უფრო დაბალი მხარდაჭერა მიიღო, რომ პარტიების ნაწილი დათანხმდეს ამ საკენკს და სამაგიეროდ, ხელისუფლება ილაპარაკებს, თითქოს შეცვალა საარჩევნო გარემო და გაიზიარა ოპოზიციის მოთხოვნები. ეს სამარცხვინო ტყუილია! ხელისუფლებამ რამდენიმე საათის წინ, როგორც ვვარაუდობდი, უარი თქვა ყოველგვარ ძირეულ ცვლილებებზე და მყარად დაადგა სააკაშვილის გზას - არჩევნების უზურპაცია. არც სისტემა შეიცვალა და არც გარემო. მეტიც, ცესკოში 1 წევრის უფლებაც ვერ გაიმეტა ჩვენთვის, როგორც კვალიფიციური პარტიისთვის.

"ქართული ოცნება" სააკაშვილის დროს მიღებულ, უსამართლო საარჩევნო კანონმდებლობასაა ჩაბღაუჭებული, რომელიც 4 წლის მანძილზე არ შეცვალა. მას არ სიამოვნებს, როცა ახსენებენ მთავარ დაპირებას - შევქმნით ჯანსაღ და თავისუფალ საარჩევნო გარემოსო... სადაა ეს გარემო? სად გაქრა ეს დაპირება? რატომ ვერ ამჟღავნებთ პოლიტიკური პლურალიზმის დამკვიდრების სულისკვეთებას? რატომ ცდილობთ არასაპარლამენტო ოპოზიციის დაჩაგვრასა და დისკრიმინაციას? განა თავის დროზე თვითონ არ იყავით შევიწროებულნი? ხოლო როცა გაიმარჯვეთ, ნუთუ უნდა დაგავიწყდეთ, როგორ მოხვედით ხელისუფლებაში? კარგით, ბატონო, სისტემა არ შეცვალეთ და 2020 წლისთვის გადაიტანეთ ეს რეფორმა. საარჩევნო კოდექსის შეცვლას რა დიდი ძალისხმევა სჭირდებოდა?! მაგრამ არა გაქვთ პოლიტიკური ნება. თანაც, გსურთ ოპოზიციის გახლეჩა, დაშლა და განადგურება, რომ ცარიელ ველზე მხოლოდ „ნაცებმა“ და „ოცნებამ“ იბზრიალოთ, ხოლო კოსმეტიკისთვის გყავდეთ ერთი- ორი, სრულიად გაფარჩაკებული მოთამაშე. თქვენ ღირსეულ კონკურენტებს ვერ იტანთ.

ნოემბრის შიმშილობის მერე, მუდმივად გეხმიანებით,- ჩვენს მიერ პარლამენტში შემოტანილი ცვლილებების შესახებ. ყველა იმალებით. ბოლოს, თავი დაგანებეთ და ახლა საერთოდ ხელი ჩავიქნიე თქვენზე. უკვე დღეიდან მთელი ჩემი პოლიტიკური, თუ საზოგადოებრივი საქმიანობა მიმართული იქნება იმაზე, რომ საქართველოს ყველა სოფელსა და ქალაქში ამომრჩეველს გავაგებინო, რატომ არ უნდა დაგიჭირონ მხარი. იმიტომ, რომ მორიგჯერ არ მოტყუვდნენ და კიდევ არ დავკარგოთ ჩვენი ცხოვრების 4 წელი... და ბოლოს, ქვეყანაც“, - წერს ირმა ინაშვილი facebook-ის საკუთარ გვერდზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს