სასოფლო-სამეურნეო მიწების ლეგალიზებისათვის სამუშაო პროცესი გრძელდება - საბურთალოს რაიონის გამგებელი ბექა მიქაუტაძე დღეს სოფელ დიღომში იმყოფებოდა, სადაც აღნიშნული პრობლემა მოსახლეობას ყველაზე მეტად აწუხებს.

თბილისის მერიის ინფორმაციით, მათ უმეტესობას დოკუმენტაციის მომზადებაში პრობლემები ჯერ კიდევ მიწის რეფორმის დროს შეექმნათ, თუმცა არიან ისეთებიც, ვინც მამა-პაპისეული მიწის ნაკვეთების დაკანონება წლების მანძილზე ვერ მოახერხა.

ბექა მიქაუტაძე დღეს სოფელ  დიღმის საუბნო სამსახურში იმყოფებოდა, სადაც უკვე რამდენიმე თვეა ყოველ სამშაბათსა და პარასკევს თბილისის მერიის ქონების მართვის სამსახურის სპეციალისტი მოქალაქეებს ხვდება და მიწების ლეგალიზებისათვის აუცილებელი პროცედურებისათვის კონსულტაციას უწევს.

დღევანდელ შეხვედრაზე მიმდინარე პროცესის შესახებ დეტალური ინფორმაცია გამგებელს საუბნო სამსახურის ხელმძღვანელმა მიაწოდა.

„ამ დროისათვის, მიწის ლეგალიზების მოთხოვნით ჩვენ 700-ზე მეტმა მოქალაქემ მოგვმართა, რომელთაგან 500-მა უკვე გაიარა კონსულტაციები მერიის ქონების მართვის სამსახურის წარმომადგენელთან, 200-მდე მოქალაქის დოკუმენტაცია კი თამოყრილია გამგეობაში და გამზადებულია შემდგომი რეაგირებისათვის“, - განაცხადა საბურთალოს რაიონის გამგებელმა ბექა მიქაუტაძემ.

გამგებელი შეხვედრაზე მყოფ რამდენიმე ადგილობრივსაც გაესაუბრა და მათი კონკრეტული პრობლემის შესახებ ინფორმაცია პირადად მოისმინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ