ვაზიანში IV მექანიზირებული ბრიგადის ბაზაზე უწყებათშორისი სამეთაურო-საშტაბო სწავლება „INFO 2016“ დაიწყო.

როგორც „ექსპრესნიუსს“ თავდაცვის სამინისტროდან აცნობეს, სწავლების გახსნა მონაწილეებს საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ მიულოცა და მათ წვრთნების მნიშვნელობაზე ესაუბრა.
„თუკი დღეს სამხედროები ვემზადებით და ვამზადებთ შეიარაღებულ ძალებს შესაძლო ომის პირობებში მოქმედებისთვის, იმავდროულად, ქვეყანა, ფაქტობრივად, საინფორმაციო ომში იმყოფება. ეს, რა თქმა უნდა, მნიშვნელოვან იმპულსს აძლევს დღევანდელ სწავლებას და მეცადინეობას. ძალიან მოხარული ვარ, რომ ყურადღება გამოიჩინეს და ყველა ის უწყება, რომელიც დაკავშირებულია სტრატეგიულ კომუნიკაციასთან ან საინფორმაციო უსაფრთხოებასთან, ფართოდაა წარმოდგენილი. დარწმუნებული ვარ, რომ წვრთნები ძალიან საინტერესო იქნება როგორც მათთვის, ასევე ჩვენთვის, სამხედროებისთვის“, -აღნიშნა გენერალ-მაიორმა ვახტანგ კაპანაძემ.

უწყების ინფორმაციით, „INFO 2016" სამეთაურო-საშტაბო სწავლების „დიდგორი 2016-ის" მოსამზადებელ ეტაპს წარმოადგენს. „INFO 2016" გენერალური შტაბის J-3 ოპერატიული დაგეგმვის დეპარტამენტის საინფორმაციო ოპერაციების განყოფილების ინიციატივით წელს მეორედ იმართება და კრიზისულ და საომარ ვითარებაში საინფორმაციო ოპერაციებთან დაკავშირებული სამსახურების კოორდინაციას ისახავს მიზნად. ხუთდღიანი სწავლების ფარგლებში მონაწილეები კრიზისული ვითარების დროს საინფორმაციო მოქმედებებს დაგეგმავენ და განახორციელებენ. წვრთნების მიზანი თავდაცვითი ამოცანების შესრულების დროს საინფორმაციო ოპერაციების წარმართვა და სხვადასხვა უწყებებს შორის კოორდინაციის დახვეწაა.

სწავლებაში აქტიურადაა ჩართული საქართველოს თავდაცვის სამინისტროს სტრატეგიული კომუნიკაციების დეპარტამენტი და კიბერუსაფრთხოების ბიურო, რომელიც სიმულაციური ოპერაციებისას ინფორმაციულ უსაფრთხოებასა და ტექნიკურ მხარდაჭერას უზრუნველყოფს.

ღონისძიების მონაწილეები ასევე არიან: საქართველოს თავდაცვის სამინისტროსა და გენერალური შტაბის სხვადასხვა სამსახურის, შინაგან საქმეთა და საგარეო საქმეთა სამინისტროების, სახელმწიფო დაზვერვის დეპარტამენტის, ეროვნული უშიშროების საბჭოსა და კრიზისებისა და ეროვნული უსაფრთხოების საბჭოს წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები