საბურთალოს რაიონის გამგეობის ინიციატივითა და ორგანიზებით, „გაზაფხულს ფესტივალი 2016“ გაიმართა, რომელშიც მონაწილეობა მიიღეს რაიონში არსებული სკოლების მოსწავლეებმა და საბავშვო ბაგა-ბაღების აღსაზრდელებმა.

თბილისის მერიის ინფორმაციით, ღონისძიებას თბილისის სახელმწიფო სამედიცინო უნივერსიტეტმა უმასპინძლა და მას საბურთალოს რაიონის გამგებელი ბექა მიქაუტაძე და გამგებლის მოადგილეები ესწრებოდნენ.

კონცერტზე, რომელიც უკვე ტრადიციად იქცა და საბურთალოს რაიონის გამგეობის ინიციატივით, ყოველ გაზაფხულს იმართება, საბავშვო ბაღების აღსაზრდელებმა მხიარული მუსიკალური ნომრები, სკოლების მოსწავლეებმა კი ხალხური შემოქმედება წარმოადგინეს.

დამსწრე საზოგადოებას სიტყვით მიმართა საბურთალოს რაიონის გამგებელმა ბექა მიქაუტაძემ და მადლობა გადაუხადა საგანმანათებლო დაწესებულებების ხელმძღვანელ პირებსა და აღსაზრდელთა მშობლებს კულტურულ ღონისძიებებში ასეთი აქტიური ჩართულობისათვის.

„მივესალმები იმ ფაქტს, რომ ასეთი მაღალია სკოლებისა და ბაღების არა მხოლოდ ხელმძღვანელობების, არამედ აღსაზრდელთა მშობლების აქტიურობა და ჩართულობა ამ ღონისძიებაში“, - განაცხადა ბექა მიქაუტაძემ.

ფესტივალში მონაწილე ყველა სკოლისა და საბავშვო ბაღის დირექტორებს ჯილდოები და სიგელები გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს