ბრატისლავაში მიმდინარე მე-10 გლობალური უსაფრთხოების ფორუმის ფარგლებში საქართველოს თავდაცვის მინისტრმა ბოლო ორმხრივი შეხვედრა სახალხო დიპლომატიის მიმართულებით  ნატოს გენერალური მდივნის თანაშემწესთან, ელჩ თაჩან ილდემთან გამართა.

თავდაცვის სამინისტროს ინფორმაციით, შეხვედრის დასაწყისში თინათინ ხიდაშელმა ჩრდილო-ატლანტიკური ალიანსის წარმომადგენელს ახალ თანამდებობაზე დანიშვნა მიულოცა და წარმატებები უსურვა.

მხარეებმა ნატოსა და პარტნიორი ქვეყნებისათვის სტრატეგიული კომუნიკაციების მნიშვნელობა განიხილეს. საუბარი შეეხო ნატო-საქართველოს არსებითი პაკეტის იმპლემენტაციის პროცესს. შეხვედრის ერთ-ერთი მთავარი თემა ვარშავაში დაგეგმილი ნატოს სამიტი, საქართველოს მოლოდინები და თებერვალში, ბრიუსელში ნატოს თავდაცვის მინისტერიალზე საქართველოს თავდაცვის უწყების ხელმძღვანელის მიერ წარმოდგენილი კონკრეტული შეთავაზებები იყო. ყურადღება გამახვილდა ასევე, რუსეთის პროპაგანდასა და მასთან ბრძოლის საშუალებებზე.  

ფორუმის პირველი დღის ფარგლებში საქართველოს თავდაცვის მინისტრმა უკევ გამართა ორმხრივი შეხვედრები ნატოს გენერალური მდივნის მოადგილესთან ალექსანდერ ვერშბოუსთან და ნატოს გენერალური მდივნის მოადგილის თანაშემწესთან პოლიტიკურ საკითხებსა და უსაფრთხოების პოლიტიკაში და გენერალური მდივნის სპეციალურ წარმომადგენელთან კავკასიასა და ცენტრალურ აზიაში ჯეიმს აპატურაისთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები