ლონდონის ევროპის სახლში  ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინიციატივით გამოცემული ინგლისურენოვანი კრებულის „საქართველოს ევროპული გზები“ პრეზენტაცია გაიმართა.

ღონისძიებაზე მიწვეულ სტუმრებს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ და  დიდ ბრიტანეთისა და ჩრდილოეთ ირლანდიის გაერთიანებულ სამეფოში საქართველოს ელჩმა თამარ ბერუჩაშვილმა სიტყვით მიმართეს.

სახელმწიფო მინისტრის აპარატის ინფორმაციით, კრებულის შესახებ დეტალურად ისაუბრა მწერალმა და წიგნის რედაქტორმა ზურაბ ქარუმიძემ, რომელმაც საქართველოს ევროპულ ინტეგრაციაზე, ევროპული და ქართული კულტურის ისტორიულ პარალელებზე, ასევე, პოლიტიკურ-კულტურულ პერსპექტივებზე გაამახვილა ყურადღება და დამსწრე საზოგადოების შეკითხვებსაც უპასუხა.  

პრეზენტაცია ქართული წიგნის ეროვნული ცენტრისა და დიდ ბრიტანეთში საქართველოს საელჩოს მიერ ორგანიზებული ლიტერატურული პროგრამის ფარგლებში ჩატარდა. პროექტი “Where Europe Meets Asia: Georgia 25 - A Cultural Feast in London marking 25 Years since the Restoration of Georgia’s Independence”  11-დან 17 აპრილის ჩათვლით ლონდონის  წიგნის ბაზრობის პარალელურად იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ