კავკასიის უნივერსიტეტში კიბერუსაფრთხოების თემაზე ლექცია გაიმართა. ლექციის მიზანს კიბერუსაფრთხოების სფეროში სტუდენტების ინფორმირება და გამოცდილების გაზიარება  წარმოადგენდა.

კურსი თავდაცვის სამინისტროს ს.ს.ი.პ კიბერუსაფრთხოების ბიუროს დირექტორმა ანდრია გოცირიძემ და სალექციო კურსის ხელმძღვანელმა სვიმონ მასხარაშვილმა გახსნეს. მათ კიბერუსაფრთხოების სფეროს გაძლიერებისა  და ამ კუთხით სტუდენტების ცნობიერების ამაღლების მნიშვნელობაზე ისაუბრეს.
კიბერუსაფრთხოების ბიუროს ხელმძღვანელმა პირებმა უნივერსიტეტის პროფესორ-მასწავლებლებსა და სტუდენტებს  კიბერუსაფრთხოების სფეროში არსებულ თანამედროვე გამოწვევებზე, ბიუროს საქმიანობაზე, მიზნებსა და სამომავლო გეგმებზე პრეზენტაცია წარუდგინეს.

მოგვიანებით შეხვედრა კითხვა-პასუხის რეჟიმში გაგრძელდა.  კიბერუსაფრთხოების ბიუროს წარმომადგენლებმა სტუდენტების კითხვებს უპასუხეს. 

კავკასიის უნივერსიტეტში საპილოტე სახით წარმოდგენილია სალექციო კურსი. კურსი მიზნად ისახავს, სტუდენტებისთვის ცოდნის გაღრმავებას სხვადასხვა თემაზე, მათ შორის,  კიბერუსაფრთხოების საკითხებზე.

ბიუროს ერთ-ერთ მიზანს კიბერუსაფრთხოების სფეროში ცნობიერების ამაღლება წარმოადგენს.
2014 წელს საქართველოს თავდაცვის სამინისტროში გადაწყვეტილების მიმღებმა საბჭომ კიბერუსაფრთხოების პოლიტიკის დოკუმენტი განიხილა და დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა