უკრაინის პრეზიდენტს ოფიციალურად მოახსენეს, რომ ქალაქ დებალცევოდან ბოლო უკრაინელი სამხედრო მოსამსახურეც გამოვიდა. როგორც პეტრო პარაშენკოს ოფიციალური ვებ-გვერდი იუწყება, დებალცევოში უკვე არცერთი, უკრაინელი სამხედრო არ იმყოფება.

ქალაქ დებალცევოს სტრატეგიულ მნიშვნელობაზე ისიც მეტყველებს, რომ სეპარატისტებმა ამ პლაცდარმის გასანადგურებლად დიდ ძალას მოუყარეს თავი. დონეცკელმა და ლუგანსკელმა მეამბოხეებმა 10 ათასამდე მებრძოლით, 150-მდე ტანკისა და ჯავშანტრანსპორტიორის, და მსხვილკალიბრიანი არტილერიის მეშვეობით, დებალცევოს რაიონზე ორი, ჩრდილოეთის და სამხრეთ-აღმოსავლეთის მიმართულებიდან მიიტანეს იერიში.

23 იანვარს დაწყებული ბრძოლა თითქმის არ შეწყვეტილა. ის მინსკში გამართული სამშვიდობო მოლაპარაკების დროსაც კი გრძელდებოდა. საერთაშორისო დამკვირვებელთა მიერ გავრცელებული ინფორმაციით, ამ დროის მანძილზე, საბრძოლო მოქმედებების რაიონში დაიღუპა 200-მდე მშვიდობიანი მოქალაქე, 500-მდე კი დაშავდა, მათ შორის მცირეწლოვნებიც არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის