აშშ-ის პრეზიდენტი დონალდ ტრამპი მიიჩნევს, რომ რუსეთი და უკრაინა შეთანხმების მიღწევას უახლოვდებიან. მან ივარაუდა, რომ შეთანხმება შესაძლოა დეკემბერში, დიდი ოცეულის სამიტამდე მიღწეულ იქნას. ამის შესახებ ამერიკელმა ლიდერმა ბლოგერ ბენი ჯონსონთან ინტერვიუში განაცხადა.

„ვფიქრობ, შეთანხმებასთან ძალიან ახლოს ვართ... არსებობს ძალიან კარგი შანსი, რომ ეს საკითხი მოვაგვაროთ“, - განაცხადა ტრამპმა.

დიდი ოცეულის სამიტზე შეთანხმების მიღწევის შესაძლებლობის შესახებ კითხვაზე პასუხის გაცემისას, აშშ-ის პრეზიდენტმა ასეთი სცენარი არ გამორიცხა.

ამავდროულად, მან აღნიშნა, რომ რუსეთის პრეზიდენტ ვლადიმერ პუტინსა და უკრაინის პრეზიდენტ ვოლოდიმირ ზელენსკის შორის ღრმა მტრობა კვლავ არსებობს.

დიდი ოცეულის სამიტი დეკემბერში, ფლორიდაში, ტრამპის კურორტ „ტრამპ ნეშენალ დორალში“ არის დაგეგმილი. მანამდე მედიაში გავრცელდა ინფორმაცია, რომ ეს ღონისძიება შეიძლება მოსკოვსა და კიევს შორის შეთანხმების პლატფორმად იქცეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ

საფრანგეთში მომიტინგეებმა უსაფრთხოების ძალებს მოლოტოვის კოქტეილები ესროლეს - დაიჭრენ პოლიციელები - ვიდეო

გერმანიაში ახალგაზრდების მასობრივ საპროტესტო აქციებს არეულობა და ძარცვა მოჰყვა

The Economist - რუსეთმა უკრაინაში შესაძლოა 770 000 ადამიანი დაკარგა