ცურტაველი მიტროპოლიტი მეუფე ვახტანგი ამბობს, რომ სამორინეებთან და აზარტულ თამაშებთან დაკავშირებული კანონი პარლამენტმა ხელახლა უნდა განიხილოს და "დააიგნოროს". 

"ქვეყნის უბედურებაა, რომ სხვის უბედურებაზე ვიღაცები მდიდრდებიან. საშინელება ხდება, ზოგი თვითმკვლელობითაც კი ამთავრებს, როცა ყველაფერს აგებს. ეს არის ეშმაკის ბორბალი. რომელი ისეთი ქვეყანა ჩვენ ვართ, რომ დავუშვათ, კაზინოებით გაივსოს. გავოცდი, როცა გავიგე, რომ კაზინოების ბრუნვა 88 მილიარდი ლარია. 

ეს ქვეყნის უბედურებაა და როგორმე უნდა მოხდეს, რომ გადაიფიქრონ, ეს საკითხი პარლამენტში ხელახლა გავიდეს და იგნორირება გაუკეთონ". - თქვა მეუფე ვახტანგმა TV პირველთან სატელეფონო საუბარში.

ცნობისთვის, ივანიშვილის პარლამენტმა 28 ოქტომბერს, მესამე მოსმენით დაამტკიცა "ლატარიების, აზარტული და მომგებიანი თამაშობების მოწყობის შესახებ" საქართველოს კანონში შესატანი ცვლილების პაკეტი, რომლის თანახმად, სამორინეებს საერთაშორისო აზარტული ტურნირების მოწყობის შესაძლებლობა ექნებათ. პროექტში განსაზღვრულია, რას გულისხმობს საერთაშორისო აზარტული ტურნირი.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა