28 ოქტომბრის ღამეს ლიპეცკის რეგიონში რაკეტების შესახებ განგაში გამოცხადდა. „მტერი ლიპეცკის სამრეწველო ინფრასტრუქტურაზე თავდასხმას ცდილობს. მასშტაბური შეტევა მოგერიებულია“, - იტყობინება არხ „რადარ ლიპეცკი“. მოგვიანებით მან ნოვოლიპეცკის ფოლადის ქარხანაში (NLMK) ხანძრის შესახებ ინფორმაცია გაავრცელა.

უკრაინულმა მონიტორინგის არხმა „ექსილენოვა+“ დაადასტურა ქარხანაში ხანძრის შესახებ და აღნიშნა, რომ „პანცირის“ საჰაერო თავდაცვის სისტემამ შესაძლოა საჰაერო სამიზნეს ააცილა. ლიპეცკის ოლქის გუბერნატორმა იგორ არტამონოვმა თავდასხმაზე ან მის შემდგომ მოვლენებზე კომენტარი არ გააკეთა. NLMK რუსეთის უდიდესი ფოლადის ქარხანაა და მსოფლიოში 20 უდიდეს ქარხანას შორისაა. მას წელიწადში 17 მილიონი ტონა თხევადი ფოლადის წარმოების შესაძლებლობა აქვს. ქარხანაზე თავდასხმა მიმდინარე წლის ივლისში განხორციელდა.

ტულას ოლქის გუბერნატორმა დიმიტრი მილაევმაც 28 ოქტომბრის დილით ადრე გამოაცხადა რაკეტების შესახებ განგაში. მოგვიანებით მან განაცხადა, რომ რეგიონი უკრაინული დრონების მასშტაბური თავდასხმის მსხვერპლი გახდა. „ნოვომოსკოვსკში დრონის ნამსხვრევების ჩამოვარდნის შედეგად, დაზიანებულია საცხოვრებელი კორპუსი, კერძო სახლები და მიმდებარე სამრეწველო ზონაში ინფრასტრუქტურა“, - აღნიშნა მილაევმა. მან დასძინა, რომ დაშავებულებისა და ზარალის შესახებ ინფორმაცია ზუსტდება. „ექსილენოვა+“-ის ცნობით, ნოვომოსკოვსკში თავდასხმის სამიზნე იყო ქიმიური ქარხანა „აზოტი“, რომელიც „ევროქემი“ ჯგუფის ნაწილია და რუსეთში აზოტოვანი სასუქების ერთ-ერთი უდიდესი მწარმოებელია. კერძოდ, ის აწარმოებს ამიაკს, ამონიუმის ნიტრატს, შარდოვანას და მეთანოლს, რომლებიც გამოიყენება საბრძოლო მასალის დასამზადებლად.

24 ოქტომბერს უკრაინულმა დრონებმა თავს დაესხნენ სამარის რეგიონში მდებარე მსხვილ ნავთობქიმიურ ქარხანა „ტოგლიატიკაუჩუკს“. ხანძარი გაჩნდა ქარხანაში, რომელიც „ტატნეფტს“ ეკუთვნის და ხელისუფლებამ ახლომდებარე ქუჩები ჩაკეტა. ასევე დაზარალდა ტოლიატის თბოელექტროსადგური, რამაც ქალაქის მაცხოვრებლებისთვის ელექტროენერგიისა და წყლის გათიშვა გამოიწვია. „ტოგლიატიკაუჩუკი“ აწარმოებს მონომერებს, ნახშირწყალბადების ფრაქციებს და ბენზინის დანამატებს, ხოლო ქარხნის მიერ წარმოებული სინთეზური რეზინები გამოიყენება ტაქტიკური და ბალისტიკური რაკეტებისთვის მყარი სარაკეტო საწვავის წარმოებაში. 12 სექტემბერს უკრაინულმა დრონებმა ასევე დაბომბეს ტოლიატში მდებარე „კუიბიშევ აზოტის“ ქარხანა, რომელიც ამონიუმის ნიტრატს, ამიაკს და სუსტ აზოტმჟავას აწარმოებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს