ფინანსთა მინისტრმა, ნოდარ ხადურმა და სამინისტროს წარმომადგენლებმა პარლამენტის შენობის წინ, 9 აპრილის მემორიალი გვირგვინით შეამკეს და დაღუპულ მამულიშვილთა ხსოვნას პატივი მიაგეს.

„დღეს უმნიშვნელოვანესი დღეა საქართველოს ისტორიაში. ერთი მხრივ, ეს არის დღე დიდი მწუხარების, იმიტომ, რომ ამ ადგილზე, 27 წლის წინ, ათეულობით ახალგაზრდა ცარიელი ხელებით ებრძოდა კბილებამდე შეიარაღებულ ოკუპანტს, ტანკებს, ნიჩბებიან ჯარისკაცებს. ისინი დაიღუპნენ საქართველოსთვის ბრძოლაში. მეორე მხრივ, ამ დღეს, საქართველო იყო განსაკუთრებით ერთიანი, ამაყი, რაც 25 წლის წინ, საქართველოს დამოუკიდებლობის აღდგენით დაგვირგვინდა.ვფიქრობ, რომ თითოეული ჩვენგანის ვალია, ყოველთვის გვახსოვდეს, რომ ამ ადამიანებმა სისხლი დაღვარეს იმისათვის, რათა ჩვენ თავისუფალ და დემოკრატიულ საქართველოში ვიცხოვროთ, ამიტომ ყველას ვალია, ვინც არ უნდა იყოს, სადაც არ უნდა მუშაობდეს და მოღვაწეობდეს, ყველაფერი გააკეთოს ქვეყნის დამოუკიდებლობის განმტკიცებისთვის, სიძლიერისთვის, იმიტომ, რომ ჩვენი თანამემამულეების ნათელი სახელები, ჩვენი დიდი წინაპრები ამას ნამდვილად იმსახურებენ", - განაცხადა ფინანსთა მინისტრმა, ნოდარ ხადურმა.

ფინანსთა მინისტრმა პარლამენტის შენობის წინ, 1989 წლის 9 აპრილის მოვლენებისადმი მიძღვნილი ფოტოგამოფენა დაათვალიერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ