რუსეთის პრეზიდენტმა ვლადიმერ პუტინმა ცხინვალის რეგიონში მის მარიონეტ მარატ კამბოლოვს ოკუპირებული სამხრეთ ოსეთის ე.წ რესპუბლიკის მარიონეტ პრეზიდენტად არჩევასთან დაკავშირებით მილოცვის წერილი გაუგზავნა და აღნიშნა, რომ ეს გამარჯვება ადასტურებს ხალხის მხრიდან მის მიმართ მაღალ ნდობას.

„ძვირფასო მარატ არკადიევიჩ, გთხოვთ, მიიღოთ ჩემი გულწრფელი მილოცვა სამხრეთ ოსეთის რესპუბლიკის პრეზიდენტად არჩევასთან დაკავშირებით. არჩევნებში თქვენი დამაჯერებელი გამარჯვება ადასტურებს სამხრეთ ოსეთის მოქალაქეების მხრიდან თქვენს მიმართ მაღალ ნდობას“, - ნათქვამია კრემლის ვებსაიტზე გამოქვეყნებულ დეპეშაში.

რუსეთის ლიდერმა ხაზგასმით აღნიშნა, რომ მოსკოვსა და ცხინვალს შორის ურთიერთობები მეგობრული და მოკავშირეობრივია. პუტინმა გამოთქვა რწმენა, რომ კამბოლოვი ხელს შეუწყობს რუსეთსა და სამხრეთ ოსეთს შორის ურთიერთობების შემდგომ პროგრესულ განვითარებას მათი ხალხების საკეთილდღეოდ, ასევე რეგიონული უსაფრთხოებისა და სტაბილურობის განმტკიცების ინტერესებში.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

პაველ ჰერჩინსკიმ საქართველოს ხელისუფლებას 2026 წლის გაფართოების შესახებ ანგარიში ოფიციალურად გადასცა

თიბისის ციფრული ტრანსფორმაციის პროგრამა The Digital Banker-მა საქართველოში საუკეთესოდ აღიარა

ტელეკომპანია ფორმულას შენობაში ხანძარია, მაუწყებლობა შეწყდა

რა არის „ლურჯი ცუნამი“ და რატომ ხდება იგი აშშ-ს შუალედურ არჩევნებზე