კახეთში რთველი აქტიურ ფაზაში შედის. ღვინის ეროვნული სააგენტოს ინფორმაციით, რეგიონში ამ დროისთვის 6 ათას ტონამდე ყურძენია გადამუშავებული. მოსავლის დაბინავება განსაკუთრებით აქტიურად დედოფლისწყაროსა და სიღნაღის მუნიციპალიტეტებში მიმდინარეობს.
უწყების ცნობით, რთვლის პროცესში ეტაპობრივად უფრო მეტი ღვინის კომპანია ერთვება. საკოორდინაციო შტაბში ამ დროისთვის 280 კომპანიაა რეგისტრირებული, რომლებიც მევენახეებისგან ყურძნის მიღებას ეტაპობრივად დაიწყებენ.
წელს კახეთში 320 ათას ტონამდე ყურძნის მოსავალს ელოდებიან. მოსავლის სრულად დაბინავების მიზნით, სახელმწიფოს უკვე განსაზღვრული აქვს მექანიზმიც, რომლის ამოქმედებაც ჭარბი მოსავლის შემთხვევაში იგეგმება. კერძოდ, ყველა მევენახეს ექნება შესაძლებლობა, ყურძენი ჩააბაროს შპს „მოსავლის მართვის კომპანიას“, რომელიც მოსავალს ფიზიკური პირებისგან დადგენილი პირობებით ჩაიბარებს.

ყურძნის ჩაბარების ფასები და პირობები

ჩაბარების ღირებულება ყურძნის ჯიშის, ხარისხისა და შაქრიანობის მიხედვით განისაზღვრება:
საფერავი:

• 1.50 ლარი - კონდიციური და დაუზიანებელი ყურძენი, შაქრიანობით მინიმუმ 21%;
• 90 თეთრი - 17%-დან 21%-მდე შაქრიანობის ან ნაწილობრივ დაზიანებული ყურძენი;
• 30 თეთრი - 17%-ზე ნაკლები შაქრიანობის ან დაზიანებული ყურძენი.

სხვა ნებადართული ვაზის ჯიშები:

• 1.30 ლარი - დაუზიანებელი ყურძენი, შაქრიანობით მინიმუმ 20%;
• 80 თეთრი - 17%-დან 20%-მდე შაქრიანობის ყურძენი;
• 30 თეთრი - 17%-ზე ნაკლები შაქრიანობის ყურძენი.

ღვინის ეროვნული სააგენტოს ცნობით, მოსავლის ძირითადი ნაწილი კახეთში უახლოეს პერიოდში უნდა დაბინავდეს, რის პარალელურადაც რთვლის პროცესში ახალი ღვინის კომპანიების ჩართვა გაგრძელდება.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში