საქართველოს პრეზიდენტი გიორგი მარგველაშვილი ევროპელ ჟურნალისტთა ჯგუფს შეხვდა, რომლებიც საქართველოში მედიატურის ფარგლებში იმყოფებიან.

როგორც "ექსპრესნიუსს" მტავრობის ადმინისტრაციიდან აცნობეს, შეხვედრა კითხვა-პასუხის რეჟიმში წარიმართა. ჟურნალისტები დაინტერესდნენ საქართველოს ევროპულ და ევროატლანტიკურ ინსტიტუტებში ინტეგრაციის პროცესითა და NATO-ს ვარშავის სამიტთან საქართველოს მოლოდინთან დაკავშირებით.

შეხვედრისას ქვეყანაში არსებული წინასაარჩევნო გარემო განიხილეს. ჟურნალისტები საქართველოს ოკუპირებულ ტერიტორიებზე არსებული ვითარებითა და რუსეთ-საქართველოს ურთიერთობითაც დაინტერესდნენ.

პრეზიდენტის ადმინისტრაციის ინფორმაციით, მიღებულ ინფორმაციაზე დაყრდნობით ჟურნალისტები მოამზადებენ მასალას, რომელიც ევროპის სხვადასხვა წამყვან მედია საშუალებებში გამოქვეყნდება, მათ შორისაა ავსტრიული Der Standard, დანიური Politiken, გერმანული Zeit Online, პოლონური პრესის სააგენტო PAP, ესპანური El Pais.

ვიზიტის ორგანიზატორები არიან ევროკომისიის კონტრაქტორი ორგანიზაცია - European Journalism Centre და საქართველოს საზოგადოებრივ საქმეთა ინსტიტუტი (GIPA).

ევროპელ ჟურნალისტთა 15 კაციანი ჯგუფის მედიატური მხარდაჭერილია ევროკომისიის "სამეზობლოსა და გაფართოების შესახებ მოლაპარაკებების გენერალური დირექტორატის" მიერაა ორგანიზებული და მიზნად ევროპული პრესისთვის სამეზობლოს ქვეყნების გაცნობას ისახავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ