საქართველომ პირველ 7 თვეში 67 მილიონ 349 ათასი დოლარის ღირებულების 20 347 ტონა პურ-ფუნთუშეული და საკონდიტრო ნაწარმი შეიძინა.

ოფიციალური სტატისტიკის მიხედვით, იმპორტის ღირებულება 20%-ით გაიზარდა, მოცულობა კი 9.1%-ით, რაც იმას ნიშნავს, რომ წელს პროდუქტის იმპორტი გაძვირდა.

საქართველოსთვის პურ-ფუნთუშეულისა და საკონდიტრო ნაწარმის ერთ-ერთი მსხვილი მომწოდებელი რუსეთია. სწორედ რუსული პროდუქტის შეძენამ გააძვირა წელს იმპორტი. წელს 7 თვეში, ამ მიმართულებიდან 14.5 მლნ დოლარის ღირებულების 6 132 ტონა პროდუქტი შევიძინეთ, მაშინ როდესაც გასული წლის ანალოგიურ პერიოდში 6 232 ტონა პურ-ფუნთუშეულში 13 მილიონ 209 ათასი დოლარი გადავიხადეთ. ანუ 2025 წელს ამ დასახელების რუსული პროდუქტის საშუალო ღირებულება ტონაზე 2 119 დოლარი იყო, წელს კი 2 377 დოლარამდე გაიზარდა.

რაც შეეხება სხვა ბაზრებს, საიდანაც საქართველო პურ-ფუნთუშეულსა და საკონდიტრო ნაწარმს ყიდულობს, TOP-10 იმპორტიორი ქვეყნის რეიტინგი ასეთია:

1. რუსეთი - $14.5 მლნ, 6 132 ტონა;
2. უკრაინა - $10.7 მლნ, 3 579 ტონა;
3. თურქეთი - $9.4 მლნ, 2 623 ტონა;
4. პოლონეთი - $8 მლნ, 996 ტონა;
5. ბულგარეთი - $5.3 მლნ, 968 ტონა;
6. აზერბაიჯანი - $3.3. მლნ, 2 037 ტონა;
7. იტალია - $2.7 მლნ, 595 ტონა;
8. გერმანია - $1.7 მლნ, 258 ტონა;
9. რუმინეთი - $1.6 მლნ, 452 ტონა;
10. ბელარუსი - $1.3 მლნ, 394 ტონა;

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა