რატი იონათამიშვილი - ამ 9 პირის მხრიდან დანაშაულის აღიარებამ და მონანიებამ, კიდევ ერთხელ ახადა ფარდა რადიკალურ ოპოზიციას

2026-09-01 15:10:17, 553 ნახვა

პოლიტიკა

ვინც დანაშაული აღიარა და მოინანია, შესაძლებლობა მისცა, დაუბრუნდნენ არა მხოლოდ საკუთარ ოჯახებს, არამედ კეთილსინდისიერი ცხოვრების წესს", - განაცხადა რატი იონათამიშვილმა.

მისი თქმით, შეწყალების ან ამნისტიის საკითხის განხილვისთვის მთავარი და პრინციპულად მნიშვნელოვანი წინაპირობა დანაშაულის აღიარება, სინანული და მონანიება იყო.

„საქართველოს პრემიერ-მინისტრმა, ირაკლი კობახიძემ არაერთხელ განაცხადა, რომ შეწყალების ან ამნისტიის საკითხის განხილვისთვის მთავარი და პრინციპულად მნიშვნელოვანი წინაპირობა დანაშაულის აღიარება, სინანული და მონანიება იყო. და ეს ასეც მოხდა! მაგრამ ის რეაქცია, რაც ჩვენ ძალადობრივი აქციების მონაწილე 9 შეწყალებული პირის მიმართ რადიკალური და ძალადობრივი ჯგუფების მხრიდან ვიხილეთ, ყოველგვარ მორალურ და ზნეობრივ სტანდარტს სცდება და ამორალური პროპაგანდის ფსკერს წარმოადგენს. ფაქტია, რომ უსამშობლო აგენტები ამ ახალგაზრდებს ძალადობისა და საკუთარი ინტერესებისთვის იყენებდნენ. აგენტურულ ჯგუფებს გაუხარდათ მათი დაპატიმრება და ძალიან ეწყინათ გათავისუფლება. საქართველოს პრეზიდენტის ჰუმანურმა აქტმა, ამ 9 პირის მხრიდან დანაშაულის აღიარებამ და მონანიებამ, კიდევ ერთხელ ახადა ფარდა რადიკალურ ოპოზიციას და საზოგადოებას მათი ამორალური ხასიათი დაანახვა, ვინაიდან მათ შეწყალებული პირები საკუთარი ბულინგის მთავარ ობიექტებად აქციეს. სწორედ ეს არის ღირებულებითი სხვაობა, რომელიც რადიკალურ აგენტურულ ჯგუფებსა და „ქართულ ოცნებას" შორის არსებობს", - განაცხადა რატი იონათამიშვილმა.

მისი თქმით, აგენტურული ჯგუფები მუდმივად ირჩევენ სიძულვილს, ბულინგს, ზიზღს, მათ შორის, ხშირად ერთმანეთის მიმართ ყველაზე რადიკალური და მიუღებელი მიმართულებებით მაშინ, როდესაც „ქართული ოცნება" სამართლიანობის, პასუხისმგებლობის, ანგარიშვალდებულებისა და ჰუმანურობის პრინციპებზე დგას.

„სწორედ ამიტომ არიან რადიკალური ჯგუფები ჩვენი საზოგადოებისთვის მიუღებელი. როგორც ჩანს, ეს აგენტურული ჯგუფები მალე მიუღებელი გახდებიან საკუთარი პატრონებისთვისაც", - განაცხადა რატი იონათამიშვილმა.