ჰარვარდის უნივერსიტეტის ქართველოლოგიის პროგრამის ხელმძღვანელი - ჩვენ ვცადეთ დაფინანსების მოძიება ქართველ ბიზნესმენებსა და ბანკებს შორის, მაგრამ შემოწირულების გაღება არავინ ისურვა

2026-08-22 15:11:20, 323 ნახვა

საზოგადოება

გამოცემა "ნეტგაზეთისთვის" მიცემულ პირველ განმარტებაში ქართველოლოგიის პროგრამის ხელმძღვანელი პროფესორი სტივენ ჯონსი ამბობს, რომ ერთ-ერთი მიზეზი არასაკმარისი სტუდენტების რაოდენობა და სხვა ბიუროკრატიული პრობლემებია, მაგრამ ის არ აკონკრეტებს რას გულისხმობს ამ უკანასკნელში.

გაიხსნება თუ არა ახალი პროგრამა საქართველოთი და ქართული ენით დაინტერესებული სტუდენტებისთვის? - ჯონსი ამბობს, რომ პერსპექტივა არასახარბიელოა.

განათლების სამინისტრომ დაფინანსება შეაჩერა, ჯონსი ამბობს, რომ თანხებს ვერც ბიზნესმენებისგან და ვერც ბანკებისგან შოულობენ.

კურსისთვის საჭიროა მინიმუმ 10 ჩარიცხული სტუდენტი. ჩვენ მხოლოდ ექვსი გვყავდა. არსებობდა სხვა ბიუროკრატიული პრობლემებიც, რამაც მისი ნაადრევად დახურვა გამოიწვია. მომდევნო სემესტრში ჩვენ მას ხელახლა გამოვაცხადებთ. ჰარვარდის ქართული პროგრამა დევისის ცენტრში ფაქტობრივად დაიხურა, თუმცა უნივერსიტეტის სხვა ცენტრებში ვეძებთ ალტერნატივებს. მომდევნო სემესტრში ქართულ სემინარს ჩავატარებთ, მაგრამ პერსპექტივები არასახარბიელოა. ჩვენ ვცადეთ დაფინანსების მოძიება ქართველ ბიზნესმენებსა და ბანკებს შორის, მაგრამ შემოწირულების გაღება არავინ ისურვა”, – მიწერა "ნეტგაზეთს" პროფესორმა ჯონსმა.

განათლების, მეცნიერებისა და ახალგაზრდობის სამინისტრომ 21 აგვისტოს განაცხადა, რომ „პროგრამის ახალი ეტაპის დამტკიცების საფუძველი არ არსებობდა“.

სამინისტრომ 2026 წლის 21 აგვისტოს წერილობით განცხადებაში ირწმუნებოდა, რომ ჰარვარდის უნივერსიტეტს პროგრამის ანგარიშგება არ წარმოუდგენია.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან