კრივოი როგში მაშველები აგრძელებენ ნანგრევების გაწმენდას და ადამიანების ძებნას სავაჭრო ცენტრში რუსული დარტყმის ადგილზე. ამჟამად, ცნობილია 16 დაღუპულის და 130 დაშავებულის შესახებ. განაცხადა უკრაინის პრეზიდენტმა ვოლოდიმირ ზელენსკიმ.

პრეზიდენტის თქმით, 9000 კვადრატული მეტრის ფართობის ხანძარი ჩამქრალია. სამაშველო ოპერაციებში შვიდი რეგიონის სახელმწიფო საგანგებო სიტუაციების სამსახურის სპეციალისტები და კინოლოგიური დანაყოფები მონაწილეობენ.

130 დაშავებულს შორის 23 ბავშვია.

ზელენსკიმ ასევე განაცხადა, რომ რუსეთმა საღამოს და ღამით უკრაინის წინააღმდეგ სარაკეტო და დრონებით იერიშები განახორციელა.

კიევში ბალისტიკური რაკეტების დარტყმებმა რკინიგზის ინფრასტრუქტურა დააზიანა, რის შედეგადაც ერთი ადამიანი დაიღუპა და ერთი დაშავდა.

ზაპოროჟიეში რუსულმა FPV დრონმა ქალაქის მიკროავტობუსს თავს დაესხა, რის შედეგადაც სამი ადამიანი დაშავდა.

ცეცხლის ქვეშ ასევე მოექცა ოდესის, დნეპროპეტროვსკის, ხარკოვის, დონეცკის, სუმის, ხერსონის, ჩერნიგოვის და ნიკოლაევის რეგიონები.

21 აგვისტოს, რუსმა ჯარისკაცებმა კრივოი როგში სავაჭრო ცენტრს დრონებით ორჯერ შეუტიეს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ოპოზიციის ლიდერების უმეტესობა ამჟამად ან სისხლის სამართლის ბრალდებების წინაშე დგას, ან ემიგრაციაში იმყოფება, ან ციხეშია - ევროკომისიის ანგარიში

პაველ ჰერჩინსკიმ საქართველოს ხელისუფლებას 2026 წლის გაფართოების შესახებ ანგარიში ოფიციალურად გადასცა

თიბისის ციფრული ტრანსფორმაციის პროგრამა The Digital Banker-მა საქართველოში საუკეთესოდ აღიარა

ტელეკომპანია ფორმულას შენობაში ხანძარია, მაუწყებლობა შეწყდა