„ბრიტანულ კუთხეში“ საჯარო მეტყველების მე-19 კონკურსის გამარჯვებული გამოვლინდა.

თავდაცვის სამინისტროს ინფორმაციით, ფინალურ ეტაპზე მონაწილეებმა საკონკურსო თემაზე პრეზენტაციები წარადგინეს. საკონკურსო თემა კი ასეთი იყო - „ყველაზე ადვილად ადამიანები მაშინ თმობენ ძალაუფლებას, როცა მიიჩნევენ, რომ მათ ის არ გააჩნიათ“.

კონკურსის გამარჯვებული გამოავლინა ჟიურიმ, რომლის წევრებიც სხვებთან ერთად საქართველოს თავდაცვის მინისტრის მოადგილე ანა დოლიძე და ბრიტანეთის ელჩი საქართველოში ალექსანდრა ჰოლ ჰოლი იყვნენ.

ანა დოლიძემ აღნიშნა, რომ მომავალ თაობებში ინგლისური ენის სრულყოფილად ცოდნა ჩვენი ქვეყნის ევროინტეგრაციის პროცესში უმნიშვნელოვანესია.

მე-19 საჯარო მეტყველების კონკურსში პირველი ადგილის მფლობელი გუგა სუხიაშვილი გახდა, მეორე ადგილი ირაკლი ქორქიას, ხოლო, მესამე - ეთერ ჭუმბურიძეს ერგო.

პირველი ადგილის მფლობელი საერთაშორისო ფინალში მონაწილეობის მისაღებად მაისში ლონდონში გაემგზავრება. საერთაშორისო ფინალში ინგლისურად მოლაპარაკეთა კავშირში გაერთიანებული 64 ქვეყნის საუკეთესო ორატორები მონაწილეობენ.

ინგლისურ ენაზე მოლაპარაკეთა კავშირი (English Speaking Union) ლონდონში 1918 წელს დაარსდა. მას ინგლისის დედოფალი ელისაბედ II მფარველობს, პრეზიდენტი კი პრინცესა ანაა. საქართველო კავშირის წევრი 1998 წელს გახდა. პროექტის - კონკურსი საჯარო მეტყველებაში - ფარგლებში, ლონდონში საერთაშორისო კონკურსში მონაწილეობა უკვე 34-მა ქართველმა ახალგაზრდამ მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ