ბათუმში დაჭრილი 30 წლის მამაკაცის ჯანმრთელობის მდგომარეობა მძიმეა.

როგორც „ინტერპრესნიუსს” ბათუმის საუნივერსიტეტო კლინიკაში განუცხადეს, ახალგაზრდა მამაკაცი რეანიმაციულ განყოფილებაში მართვით სუნთქვაზე იმყოფება და მას ოპერაცია ჩაუტარდა.

„30 წლის მამაკაცს ტყვიები კიდურებსა და მუცლის არეში ჰქონდა მოხვედრილი. რთული ოპერაცია ჩაუტარდა, იგი რეანიმაციულ განყოფილებაში არის მოთავსებული და მდგომარეობა მძიმედ ფასდება”,- განაცხადეს კლინიკაში.

ცნობისთვის, გუშინ ბათუმში ფიროსმანის ქუჩაზე ცეცხლსასროლი იარაღიდან გასროლის შედეგად ახალგაზრდა მამაკაცი მძიმედ დაჭრეს. თვითმხილველების ინფორმაციით, ეჭვმიტანილი შემთხვევის ადგილიდან, სავარაუდოდ, მოპედით მიიმალა.

ფაქტთან დაკავშირებით ჯერჯერობით დაკავებული არავინ არის.

როგორც საქართველოს შინაგან საქმეთა სამინისტროში აცხადებენ, გამოძიება სისხლის სამართლის კოდექსის ორი მუხლით მიმდინარეობს: 19.108 და 236-ე, რაც განზრახ მკვლელობის მცდელობას და ცეცხლსასროლი იარაღის უკანონოდ შეძენა-შენახვას გულისხმობს.

ავტორი: ექსპრესნიუსი,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა