რუსეთის პრეზიდენტის ადმინისტრაციის უფროსის პირველი მოადგილე, სერგეი კირიენკო, სამუშაო ვიზიტით რუსეთის მიერ ოკუპირებულ აფხაზეთში ჩავიდა.

თვითგამოცხადებულმა პრეზიდენტმა ბადრა გუნბამ და სერგეი კირიენკომ სამუშაო შეხვედრა გამართეს, სადაც განიხილეს სოციალურ, ეკონომიკურ და ინფრასტრუქტურულ სექტორებში ერთობლივი პროექტების განხორციელება.

"აფსნიპრესის" ცნობით, განსაკუთრებული ყურადღება დაეთმო აფხაზეთ-რუსეთის საინვესტიციო პროგრამას შეღავათიანი სესხებისთვის და აპრილში AMEF 2026-ზე ხელმოწერილი შეთანხმებების შესრულებას. შეხვედრის ცალკე ნაწილი რესპუბლიკაში ტურისტული სეზონის დაწყებას დაეთმო.

მხარეებმა ასევე განიხილეს ორმხრივი თანამშრომლობის შემდგომი განვითარების პერსპექტივები, დაადასტურეს თავიანთი განზრახვა, გააგრძელონ მოქალაქეთა ცხოვრების ხარისხის გაუმჯობესებასა და რესპუბლიკის ეკონომიკური პოტენციალის გაძლიერებაზე ორიენტირებული პროგრამების განხორციელება.

 ბადრა გუნბამ და რუსეთის საკოკუპაციო რეჟიმის წარმომადგენელმა სერგეი კირიენკომ ყვავილები შეამკეს სოფელ ტამიშში ომში დაღუპულთა მემორიალი.
ღონისძიებაზე პირველად გამოჩნდა ბელგოროდის ყოფილი გუბერნატორი ამჟამად საოკუპაციო რეჟიმის წარმომადგენელი აფხაზეთში ვიაჩესლავ გლადკოვი, იგი პუტინმა გუბერნატორის პოსტიდან ცოტახნის წინ მოხსნა.

ბრძოლა აფხაზ სეპარატისტებსა და საქართველოს შორის აფხაზეთის ომის დროს, 1993 წლის 2-9 ივლისს გაიმართა. 

ივლისის ოპერაციის შედეგად სეპარატისტებმა ვერ მოახერხეს სოხუმის აღება, თუმცა მათ ხელში აღმოჩნდა სტრატეგიული სიმაღლეები გუმისთის ფრონტზე: სოფელი ახალშენი, კამანი და შრომა. 27 ივლისს დაიდო საზავო ხელშეკრულება სოჭში, რომლითაც დროებით შეწყდა საბრძოლო მოქმედებები, სექტემბერში სოხუმზე მიტანილ კიდევ ერთ შეტევამდე.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა