სოფლის მეურნეობის მინისტრი ოთარ დანელია მესაქონლეობის ფრანგული კომპანიების წარმომადგენლებს შეხვდა. შეხვედრის მიზანი საქართველოში მეცხოველეობის დარგში ინვესტიციების განხორციელების შესაძლებლობების განხილვა იყო.

შეხვედრაზე მინისტრმა ვრცლად ისაუბრა უწყების მიერ ვეტერინარულ-სანიტარიული უსაფრთხოების კუთხით განხორციელებული ღონისძიებების შესახებ და ყურადღება ვაქცინაციის, შესაბამისი ინფრასტრუქტურის - სასაკლაოების მოწყობის, სადაც ეტაპობრივად მიმდინარეობს  საფრთხის ანალიზისა და კრიტიკული საკონტროლო წერტილების სისტემის (HACCP) დანერგვა, ცხოველთა გადასარეკი ტრასებისა და ბიოუსაფრთხოების პუნქტების მშენებლობაზე გაამახვილა.

მინისტრმა ხაზგასმით აღნიშნა მეცხოველობის დარგის განვითარების პრიორიტეტულობის საკითხი და ყურადღება „ღრმა და ყოვლისმომცველი თავისუფალი სავაჭრო სივრცის შესახებ შეთანხმების“ (DCFTA) ფარგლებში საქართველოს საექსპორტო პოტენციალზე გაამახვილა.

შეხვედრას სოფლის მეურნეობის მინისტრის მოადგილეები ლევან დავითაშვილი, იური ნოზაძე და სოფლის მეურნეობის სამინისტროს სისტემაში შემავალი უწყებების ხელმძღვანელი პირები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში