ირანის ისლამურ რესპუბლიკასთან შეთანხმება დასრულებულია. აშშ-ის პრეზიდენტმა დონალდ ტრამპმა ამის შესახებ სოციალურ მედია პლატფორმა TruthSocial-ზე განაცხადა.

„გილოცავთ ყველას! ამით ვაძლევ უფლებამოსილებას ჰორმუზის სრუტის სრულად გახსნას, უფასოდ და ამავდროულად, ვაძლევ უფლებამოსილებას აშშ-ის საზღვაო ბლოკადის დაუყოვნებლივ მოხსნას. მსოფლიოს გემებო, ჩართეთ ძრავები. მიეცით საშუალება ნავთობს დინება!“ - განაცხადა ტრამპმა.

Tasnim-ის ცნობით, ირანის საგარეო საქმეთა მინისტრის მოადგილემ, ქაზემ ღარიბაბადიმ, განაცხადა, რომ აშშ-სთან ხანგრძლივი მოლაპარაკებების პროცესი, რომელიც მოიცავდა პაკისტანისა და კატარის შუამავლობას, კატარის დელეგაციის ვიზიტს ირანში და დაახლოებით 15 საათიან ხანგრძლივ მოლაპარაკებებს, დასრულდა.

მან აღნიშნა, რომ დოკუმენტი არ დასრულებულა მანამ, სანამ შეთანხმების ტექსტში საბოლოო პუნქტები და მოთხოვნები არ შეიტანეს და მოლაპარაკებები ბოლო საათამდე გაგრძელდა.

მისი თქმით, ურთიერთგაგების მემორანდუმის საბოლოო ტექსტი უკვე მომზადებულია და საბოლოო ხელმოწერა პარასკევს შვეიცარიაში მთავარ მხარეებს შორის გაიმართება.

ღარიბაბადიმ დასძინა, რომ დღეს დილით ორი სასწრაფო ღონისძიება ამოქმედდება: პირველი არის ომისა და სამხედრო ოპერაციების შეწყვეტა სხვადასხვა ფრონტზე, მათ შორის ლიბანში, რაც ასევე შეტანილი იყო პაკისტანის პრემიერ-მინისტრის ტექსტში. მეორე არის საზღვაო ბლოკადის მოხსნა და შეწყვეტა, რომელიც აღიარა აშშ-ის პრეზიდენტმა.

ირანის ვალდებულებებთან დაკავშირებით, მან აღნიშნა, რომ ისინი ძალაში შევა პარასკევს, შეთანხმების ოფიციალური ხელმოწერის შემდეგ.

ამავდროულად, ირანის საგარეო საქმეთა მინისტრის მოადგილემ ხაზგასმით აღნიშნა, რომ ქვეყნის შეიარაღებული ძალები ყოველთვის მზადყოფნაში დარჩებიან და „ხელი ჩახმახზე“ ნებისმიერი საფრთხის წინააღმდეგ საბრძოლველად.

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს