18 ევროპარლამენტარი ევროკავშირის ინსტიტუტებს მიმართავს, შეაფასოს სანქცირებული, სამთავრობო და პროპაგანდისტული ტელეკომპანია იმედისა და მასთან დაკავშირებული აქტორების საქმიანობა შესაძლო დეზინფორმაციული და მანიპულაციური კამპანიების ფარგლებში.

მიმართვაში აღნიშნულია, რომ საქართველოში მათი [იმედის] ნარატივები ხშირად ზუსტად აკოპირებს კრემლის მიერ დადგენილ დეზინფორმაციულ მეთოდებს. ამ კონტექსტში ისინი განსაკუთრებულ შეშფოთებას გამოხატავენ ტელეკომპანია იმედის როლზე.

ევროპარლამენტარები მოუწოდებენ საგარეო ქმედებათა სამსახურსა და საბჭოს, ჩაატარონ იმედისა და მასთან დაკავშირებული პირების საქმიანობის ოფიციალური სამართლებრივი შეფასება, რათა განისაზღვროს შემდგომი ზომების გატარება.

„ეს ნარატივები ხშირად ზუსტად აკოპირებს კრემლის დადგენილ დეზინფორმაციულ მეთოდებს: ევროკავშირის წარმოჩენას ეროვნული სუვერენიტეტის საფრთხედ, სამოქალაქო საზოგადოების დისკრედიტაციას, თითქოს ისინი უცხოეთიდან იმართებიან, თავდასხმებს დამოუკიდებელ ინსტიტუტებზე და დემოკრატიული რეფორმებისა თუ ევროინტეგრაციის წარმოჩენას არასტაბილურობის წყაროდ.

განსაკუთრებულ შეშფოთებას იწვევს ტელეკომპანია „იმედის“ როლი ამ ეკოსისტემაში. საჯარო მონიტორინგი ადასტურებს მესიჯებს, რომლებიც მიზნად ისახავს ევროკავშირის მიმართ საზოგადოებრივი ნდობის შერყევას, საქართველოს ევროპული გზის დასუსტებას და საინფორმაციო სივრცის პოლარიზაციას - ზუსტად იმ უცხოური საინფორმაციო მანიპულაციების ტაქტიკით, რაც რეგიონის სხვა ქვეყნებშიც ფიქსირდება.

შეგახსენებთ, რომ 2022 წელს ევროკავშირმა მაუწყებლობა უკვე შეუჩერა „Russia Today“-სა და „სპუტნიკს“, როგორც რუსეთის უწყვეტი და შეთანხმებული აგრესიის ინსტრუმენტებს. მოვუწოდებთ საგარეო ქმედებათა სამსახურსა და საბჭოს, ჩაატარონ „იმედისა“ და მასთან დაკავშირებული პირების საქმიანობის ოფიციალური სამართლებრივი შეფასება, რათა განისაზღვროს შემდგომი ზომების გატარება", - ვკითხულობთ განცხადებაში.

დოკუმენტს ხელს აწერენ ევროპარლამენტარები შემდეგი პოლიტიკური ჯგუფებიდან: ევროპის სახალხო პარტია, ევროპელი კონსერვატორები და რეფორმისტები, სოციალ-დემოკრატები, მწვანეები და ლიბერალები

ავტორი: ექსპრესნიუსი,

სოციალური ქსელები

WP: ტრამპმა რესპუბლიკელ დონორებს უთხრა, რომ ვენსი მის მემკვიდრედ სურს

ლაიფციგში დრონის ინციდენტი: უკრაინულ თვითმფრინავს საბრძოლო მასალა გადაჰქონდა

აშშ-ის ფედერალური გამოძიების ბიუროს დირექტორი ჩინეთთან და რუსეთთან უპრეცედენტო კავშირებს ამყარებს

პროკურატურა - სანიტარს, რომელმაც ახალშობილი შვილი მოკლა, 4 წლით პატიმრობა მიესაჯა