შერგელაშვილი: დავით შავლიაშვილი ჩვეულ რეჟიმში მუშაობს, მთავრობის სხდომაზე მოსვლა უბრალოდ ვერ მოახერხა

2015-02-19 10:12:56, 538 ნახვა

პოლიტიკა

მთავრობის დღევანდელ სხდომას რეგიონული განვითარებისა და ინფრასტრუქტურის მინისტრ დავით შავლიაშვილის ნაცვლად, მისი მოადგილე თენგიზ შერგელაშვილი დაესწრო.

მედიას ეს ფაქტი უყურადღებოდ არ დაუტოვებია, რადგან შავლიაშვილი სხდომაზე რამდენჯერმე არ იმყოფებოდა.

თენგიზ შერგელაშვილმა ჟურნალისტებთან მცირე ყოყმანის შემდეგ უარყო გავრცელებული ინფორმაცია იმის თაობაზე, რომ შავლიაშვილმა თანამდებობა დატოვა და აღნიშნა, რომ მან უბრალოდ მთავრობის სხდომაზე მოსვლა დღეს ვერ მოახერხა.

მისივე განმარტებით, დავით შავლიაშვილი ჩვეულ რეჟიმში აგრძელებს მუშაობას.

"დავით შავლიაშვილი საქმიანობს, უბრალოდ დღეს ვერ მოახერხა მოსვლა და მოვა. მის მიერ თანამდებობის დატოვების შესახებ ჩემთვის არაფერია ცნობილი და არც არაფერი იგეგმება. ჩვეულებრივ სამუშაო რეჟიმში ვმუშაობთ",-განაცხადა თენგიზ შერგელაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან