ალექსანდრიის პატრიარქი თეოდორე მეორე შიო მესამეს სრულიად საქართველოს კათოლიკოს-პატრიარქად აღსაყდრებას ულოცავს.

"თქვენი ღირსეული არჩევის გამოცხადებამ და თქვენი აღსაყდრების მოვლენამ საქართველოს წმინდა ეკლესიის მთავარეპისკოპოსისა და პატრიარქის ტახტზე ჩვენი გულები სიხარულითა და აღტაცებით აავსო; ამიტომაც, ამ საპატრიარქო წერილებით თქვენ მხურვალე მილოცვებითა და ძმური კეთილი სურვილებით მოგმართავთ.

შევევედრებით კეთილ და ყოვლადმომნიჭებელ სამებაში თაყვანისცემულ ღმერთს, რათა ღირსგყოთ თქვენი უნეტარესობა შეურყეველი ჯანმრთელობით, სულიერი ძალით, მტკიცე განსჯითა და საღვთო ნიჭთა სიუხვით, თქვენთვის მინდობილი მაღალი და მრავალმხრივი მსახურების აღსასრულებლად, რათა ღირსეულად გააგრძელოთ ღირსეულ წინამორბედთა და საქართველოს ეკლესიის მრავალსაუკუნოვანი ტრადიციების გზა, იყოთ ღვთის მრავალგვარი მადლის ბრძენი განმგებელი და ქრისტეში ღვთისმეტყველი, მამათა ტრადიციების ერთგული, თავდადებულ სიყვარულში გაერთიანებული - და თანამედროვე მსოფლიოს უქადაგოთ მართლმადიდებლობის მაცხოვნებელი უწყება, ღვთის ჭეშმარიტება და სამართლიანობა და მორწმუნეთა ხსნა, მუდამ ჩვენი ეკლესიის დიდი მამის, იოანე ოქროპირის სწავლების თანახმად, რომელიც ამბობს: "რადგან არაფერია ეკლესიის სიყვარულითა და სიბრძნით მართვაზე აღმატებული".

ასევე გამოვხატავთ ჩვენს განსაკუთრებულ სიხარულსა და კმაყოფილებას ალექსანდრიისა და საქართველოს უწმინდესი ეკლესიების მჭიდრო ძმური კავშირის გამო და მტკიცედ ვენდობით და უცვლელად ვაცხადებთ, რომ ის, ქრისტეს სიყვარულის, მშვიდობის, თანხმობისა და ერთობის სულისკვეთებით, განუწყვეტლივ გაგრძელდება და გაღრმავდება მთელი მსოფლიოს წინაშე საერთო მართლმადიდებლური მოწმობის განმტკიცებისა და დამყარებისთვის.

ამიტომ, კიდევ ერთხელ გილოცავთ და ვლოცულობთ თქვენთვის დღეგრძელობის, საღვთო საუნჯეთა და სულიერ ნიჭთა კურთხევისთვის, თქვენი ქრისტესმოყვარე სამწყსოს სასიკეთოდ, და ვრჩებით მრავალრიცხოვანი კეთილი სურვილებითა და კურთხევებით.", - ვკითხულობთ წერილში. 

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა