საქართველოს ეკლესიის ახალი წინამძღვრის, სრულიად საქართველოს კათოლიკოს-პატრიარქის, შიო III-ის არჩევის შესახებ ინფორმაციის მიღების შემდეგ, მსოფლიო პატრიარქმა მას გულწრფელი მილოცვის წერილი გაუგზავნა.

წერილში მან ახალ წინამძღვარს ხანგრძლივი, კურთხეული და ნაყოფიერი მსახურება უსურვა ღვთის სადიდებლად, მისი ერთგული სამწყსოს საკეთილდღეოდ, ქართველ ხალხს შორის მშვიდობა და სტაბილურობა, სრულიად მართლმადიდებლური ერთიანობისა და მართლმადიდებლური ეკლესიის საერთო მოწმობის წინსვლა თანამედროვე სამყაროში.

"თქვენო უნეტარესობავ და უწმინდესობავ, უფალში საყვარელო ძმაო,

დიდი სიხარულით მივიღე, როგორც პირადად, ასევე მსოფლიო საპატრიარქოში მსახურ ყველა პირთან ერთად, სასიხარულო ცნობა თქვენი საყვარელი უნეტარესობის ღირსეული არჩევის შესახებ სრულიად საქართველოს უძველეს და სახელგანთქმულ კათოლიკოს-პატრიარქის საყდარზე, მარადსახსოვარი კათოლიკოს-პატრიარქ ილია II-ის მემკვიდრედ, რომელმაც ნათელი და ისტორიული მსახურება აღასრულა საქართველოს ღირსშესანიშნავი ეკლესიისა და მთელი მართლმადიდებლობის წინაშე.

ვადიდებთ რა უფალს, თავისი ეკლესიის დამფუძნებელსა და განმამტკიცებელს, ძმურად გილოცავთ თქვენს უნეტარესობას და ვლოცულობთ, რომ მოგენიჭოთ ხანგრძლივი, კურთხეული და ნაყოფიერი პირველმღვდელმთავრული მსახურება - ღვთის სადიდებლად, თქვენი ღვთისმოსავი სამწყსოს სასიკეთოდ, ქართველი ერის მშვიდობისა და სტაბილურობისათვის, და ასევე ჩვენთან და და-ეკლესიების სხვა წინამძღვრებთან ჰარმონიული თანამშრომლობით პან-მართლმადიდებლური ერთობის, თანამშრომლობისა და მსოფლიოს წინაშე საერთო მოწმობის განსამტკიცებლად. აქსიოს" - ნათქვამია მსოფლიო პატრიარქის, ბართლომეოსის განცხადებაში

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს