დღეს ევროპას თურქეთი უფრო სჭირდება, ვიდრე თურქეთს ევროპა, განაცხადა თურქეთის პრეზიდენტმა რეჯეფ თაიფ ერდოღანმა, რომლის ციტირებასაც Anadolu ავრცელებს.

სახელმწიფოს მეთაურმა გააფრთხილა ევროკავშირი ისეთი ქმედებებისა და რიტორიკის წინააღმდეგ, რამაც შეიძლება შეარყიოს ანკარის „კონსტრუქციული პოზიცია“. მან განაცხადა, რომ „თურქეთი აღარ არის ის, რაც ადრე იყო და მსოფლიო არ შემოიფარგლება მხოლოდ დასავლეთის სახელმწიფოების გავლენის სფეროთი“.

ერდოღანმა ასევე მოუწოდა ევროკავშირს, აღიაროს, რომ თურქეთის, როგორც სრულუფლებიანი წევრის, გარეშე, ის ვერ იქნება გლობალური მოთამაშე ან სიმძიმის ცენტრი. მან ბრიუსელის პოზიციას ანკარასთან დაკავშირებით „მოკლეხედა“ უწოდა.

ერდოღანი თვლის, რომ ევროპას თურქეთი უფრო სჭირდება, ვიდრე თურქეთს ევროპა და ეს დამოკიდებულება მხოლოდ გაიზრდება.

თურქეთმა ასოცირების შეთანხმებას ევროკავშირთან (მაშინდელი ევროპის ეკონომიკური საზოგადოება) 1963 წელს მოაწერა ხელი და ოფიციალურად წევრობაზე განაცხადი 1987 წელს შეიტანა. რესპუბლიკის თანამეგობრობაში გაწევრიანების შესახებ მოლაპარაკებები მხოლოდ 2005 წელს დაიწყო და პოლიტიკური უთანხმოების გამო არაერთხელ შეჩერდა.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა