საქართველოს ბანკის AI კვლევითი ლაბორატორია საერთაშორისო ფინანსურმა გამოცემა Global Finance-მა მსოფლიოს საუკეთესო ფინანსური ინოვაციების ლაბორატორიად დაასახელა. ყოველწლიური დაჯილდოება Innovators Awards 2026 ფინანსურ სექტორში ახალი ტექნოლოგიური იდეების, პროდუქტებისა და მომსახურებების განვითარების კუთხით გამორჩეულ ორგანიზაციებს აჯილდოებს.

Global Finance-ის დამფუძნებლისა და სარედაქციო დირექტორის, ჯოზეფ ჯიარაპუტოს განცხადებით, ფინანსური ინოვაციების ლაბები მნიშვნელოვან როლს ასრულებენ ბანკებისა და ფინანსური ინსტიტუტებისთვის ახალი ტექნოლოგიების გამოცდაში, ბიზნესმოდელების ტესტირებასა და მომხმარებელზე ორიენტირებული გადაწყვეტილებების დაჩქარებულ განვითარებაში.

Innovators Awards 2026 მეცამეტედ გაიმართა, გამარჯვებულები კი ჟურნალის სარედაქციო საბჭომ დარგის ექსპერტ ჟურნალისტებთან ერთად გამოავლინა.

„საქართველოს ბანკში გვჯერა, რომ ხელოვნური ინტელექტი რეალურ ღირებულებას მაშინ ქმნის, როდესაც ის ადგილობრივ საჭიროებებს პასუხობს. სწორედ ამიტომ შევქმენით საკუთარი AI კვლევითი ლაბორატორია, სადაც ვავითარებთ ქართულ ენასა და ჩვენს მომხმარებლებზე მორგებულ ტექნოლოგიებს, როგორებიცაა ქართულენოვანი ჩეტბოტი, და ქართულენოვანი მეტყველების ამოცნობა და სინთეზირება. ეს გვაძლევს შესაძლებლობას, ვიყოთ უფრო სწრაფები, დამოუკიდებლები და მომხმარებლებს შევთავაზოთ უკეთესი გამოცდილება, ხოლო ბიზნესს - უფრო ეფექტიანი პროცესები. მადლობა მინდა გადავუხადო ჩვენი AI კვლევითი ლაბორატორიის გუნდის თითოეულ წევრს,  რომელთა პროფესიონალიზმის დამსახურებით, საქართველოს ბანკის ინოვაციურმა ეკოსისტემამ საერთაშორისო აღიარება მიიღო”, - განაცხადა საქართველოს ბანკის მონაცემთა ანალიტიკის დეპარტამენტის ხელმძღვანელმა, მიხეილ ნადარეიშვილმა.

აღსანიშნავია, რომ დაჯილდოებაში მონაწილეობდნენ ისეთი წამყვანი ფინანსური ინსტიტუტები და ბანკები, როგორებიცაა Citi, Mastercard, Goldman Sachs და სხვები.

ავტორი: R (რეკლამა),

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს