ოპოზიციური ალიანსი აცხადებს, რომ დიუშენის კუნთოვანი დისტროფიის შემთხვევის ირგვლივ განვითარებულმა მოვლენებმა ცხადყო, თუ რამდენად მოშლილი და დეჰუმანიზებულია სახელმწიფო ინსტიტუცია.

ალიანსის შეფასებით, არსებული ვითარება კიდევ უფრო მძიმდება საერთაშორისო პარტნიორებთან თანამშრომლობის შემცირების ფონზე, რაც, მათი თქმით, ზღუდავს თანამედროვე მედიცინასა და ფინანსურ რესურსებზე წვდომას.

ალიანსში აცხადებენ, რომ აუცილებელია ჯანდაცვის სისტემის ძირეული რეფორმა და კონკრეტული ნაბიჯების გადადგმა, რაც, მათი თქმით, მოქმედი ხელისუფლების პირობებში ვერ ხორციელდება.

"უკანასკნელი დღების მანძილზე დიუშენის კუნთოვანი დიაგნოზის ირგვლივ განვითარებულმა მოვლენებმა ცხადყო, თუ რამდენად მოშლილი და დეჰუმანიზებულია სახელმწიფო ინსტიტუცია, რომლის უმთავრეს მოვასალეობასაც, ჯანმრთელობასა და სიცოცხლეზე ზრუნვა, მითუმეტეს, ბავშვთა სიცოცხლეზე ზრუნვა უნდა წარმოადგენდეს. 

ბავშვთა ჯანმრთელობა არის ფუნდამენტური უფლება, ეს არ არის პრივილეგია, რომელიც საქართველოში ყოველდღიურად ირღვევა, რისი ნათელი მაგალითიცაა ჯანდაცვის სერვისების ორგანიზებულობის, მედიკამენტებზე ხელმისაწვდომობისა და მძიმე დაავადებების მართვის საკითხი, რომლის განვითარების პირობაც ქართულმა ოცნებამ არაერთხელ დადო, მაგრამ დღეს ჩვენ ვხედავთ, რომ არაერთი ბავშვი ოჯახებთან ერთად დღეს სწორედ სიცოცხლის გადასარჩენად ემიგრირებს სხვა ქვეყნებში.

ამ მაგალითზე ძალიან ნათლად ჩანს, რომ ქვეყნის დასავლეთისგან იზოლაცია უდრის ჩვენი ბავშვებისთვის დასავლურ მედიცინაზე და ფინანსებზე წვდომის შეზღუდვას, რადგან იმისთვის, რომ არა მხოლოდ იშვიათი, არამედ, ზოგადად, სხვა დიაგნოზის მქონე ბავშვების პრობლემები სისტემურად გადაწყდეს, საჭიროა საერთაშორისო პარტნიორობა.

 ამავდროულად, რთული, ვისაუბროთ მაღალტექნოლოგიურ მედიცინაზე მაშინ, როდესაც უნისეფის გასული წლის დასკვნის მიხედვით, საქართველოში ბავშვების თითქმის მეოთხედი ფეკალიებით დაბინძურებულ წყალს სვამს, მათ შორის, ბაღებსა და სკოლებში, რასაც ადასტურებს სურსათის ეროვნული სააგენტოს უკანასკნელი მონაცემებიც. სწორედ იმ ბაღებსა და სკოლებში, რომლის რეაბილიტაციისა და მშენებლობის თანხასაც იპარავს მიტაცებული ხელისუფლება და მიმართავს საკუთარი ჯიბეებისკენ, მაგრამ რატომღაც მკურნალობისა და დაადავადების მართვისთვის საჭირო თანხას ვერ პოულობს.

საჭიროა კონკრეტული ქმედება მრავალი მიმართულებით, რაც ქართული ოცნების პირობებში შეუძლებელია, მაგრამ ალიანსს აქვს კონკრეტული ხედვები და გზები ამ პრობლემების გადაჭრის. შესაბამისად, ის უნდა იქცეს რეალურ პოლიტიკად და ყოველდღიურ პრაქტიკად, რაც წარმოადგენს კიდეც სწორედ ალიანსის ხედვას", - თქვა ანა ქავთარაძემ ბრიფინგზე.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია