9 აპრილს რუისის მაცხოვრის ფერისცვალების სახელობის ტაძარში, მროველ-ურბნელი მიტროპოლიტი იობის ქადაგებას დავით და გიორგი ბაგრატიონები დაესწრნენ.

როგორც მიტროპოლიტმა იობმა განაცხადა, საქართველოს მეფე უნდა ჰყავდეს, რომელიც ქართველი ერის ერთიანობის სიმბოლო იქნება.

"დღევანდელი დღე განსაკუთრებულია რუისისთვის. ამიტომ დღეს ჩვენთან მობრძანდა უფლისწული გიორგი, მისი მამა დავითი. ეს სოფელი არის ცნობილი, დავით აღმაშენებელთან არის დაკავშირებული, თქვენ იცით აღმაშენებელი ამ სოფელში გაიზარდა, მამაცაშვილებმა გაზარდეს.

ეს არის ის ტაძარი, სადაც მეფეც ეკურთხა, ალექსანდრე მეფე, გიორგი მეორე ეკურთხა ამ ტაძარში და ვიცით, რომ ალექსანდრე მეფე ამ ტაძარშია დაკრძალული.
მე სულ ვამბობ, რომ ვისაც დედა ღვთისმშობელი უყვარს, მას უყვარს ბაგრატიონები იმიტომ, რომ ისინი არიან ნათესავები, ქართველი ადამიანი არ არსებობს, რომ ღვთისმშობლის ხატი არ ჰქონდეს ოჯახში.


ჩვენი მომავალი არის ნათელი, ჩვენ გვეყოლება კურთხეული მეფე, მეფე, რომელიც ძალიან დიდ საქმეებს მოიმოქმედებს მომავალი საქართველოსთვის. არ გეგონოთ, რომ ამ ქაოსურ მსოფლიოში აღარ გვახსოვს ჩვენ სამეფო დინასტია, ბაგრატიონთა. ჩვენ მეხსიერებაში ყოველთვის იყო, არის და იქნება.

მეფე იქნება დამაბალანსებელი ერში, სიმშვიდის შემომტანი და ერთიანობის სიმბოლო. როდესაც მოხდება ეს მოვლენა, ჩვენ მოვესწრებით ამას, ჩვენი ერი გაიხარებს. ჩვენს ერზე და ეკლესიაზე დიდი მადლი წამოვა, საღვთო მადლი, რომელიც კიდევ ერთხელ გამოაფხიზლებს ქართველებს. ლაზარე როგორც აღადგინა ჩვენმა უფალმა იესო ქრისტემ, ისე აღადგენს საქართველოს.



არის წინასწარმეტყველება კირილე ლავრიოტისის - აღმოსავლეთშიო, საქართველოს ტერიტორიაზე შეიქმნება დიდი იმპერიაო, სულიერი თვალსაზრისით. ამ იმპერიას შექმნის მომავალი კურთხეული პატრიარქი და მომავალი კურთხეული მეფე და მადლობა უფალს, რომ გვყავს უკვე სახეზე უფლისწული და ღვთის ჩარევით და სულიწმინდის მადლით ჩვენც ვიხილავთ მომავალ პატრიარქს.

ღმერთმა ინებოს, რომ მათი ერთობლივი ღვაწლით საქართველო გამოვიდეს ამ ჭაობიდან, ამ რთული მდგომარეობიდან და საქართველო გახდეს ღვთივკურთხეული ერი.

ღმერთმა დალოცოს მომავალი მეფე, მომავალი პატრიარქი, ღმერთმა გაგახაროთ, გაგაძლიეროთ. ლოცვა დაიბეჭდა, მომავალი პატრიარქის არჩევისთვის. ეს ლოცვა ვალდებულები ხართ თითოეულმა თქვენთაგანმა ილოცოს, როგორც იქნება ღვთის ნება, დაე ასე იყოს. აქ მიკერძოებულად ვიღაცისთვის კი არ ვილოცოთ, ვილოცოთ ზოგადად, რათა ღმერთმა გამოაჩინოს ის, ვინც საქართველოს ამ მდგომარეობიდან გამოიყვანს და სულიერად გააბრწყინებს.", - თქვა მან.

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს