ექსპრეზიდენტმა სალომე ზურაბიშვილმა დამოუკიდებლობის აღდგენის რეფერენდუმის დღესთან დაკავშირებით, ვიდეომიმართა გაავრცელა, სადაც განაცხადა, რომ რუსული რეჟიმი საქართველოში ყველანაირად ცდილობს არ შედგეს ერთობა.

"საქართველომ ჩაატარა ის რეფერენდუმი, რომლითაც დღესაც ვარსებობთ, როგორც სახელმწიფო, როგორც დამოუკიდებელი სახელმწიფო, ქვეყანა, რომელმაც თავისი ნება გამოხატა. ამ დღის გმირი არის, ერთი მხრივ, მაშინდელი საქართველოს პრეზიდენტი ზვიად გამსახურდია, რომელმაც გაბედა ეს ნაბიჯი გადაედგა, რომელმაც გაბედა ქართველი ხალხისთვის ეკითხა - რა არის თქვენი ნება? იყოთ რუსეთში, იყოთ რუსეთი თუ იყოთ საქართველო? დამოუკიდებელი, როგორც მოდიოდა საუკუნეების მანძილზე. 

და მეორე მხრივ, გმირი ქართველი ხალხი, რომელმაც თავისი სათქმელი თქვა და გამოხატა თავისი ნება, როგორც ერთობლივი როგორც ყოველი ამ ქვეყნის მოქალაქეს ნება, უმცირესობებიც მონაწილეობდნენ და უმრავლესობაც.

ეს არის ყველაზე ნიშანდობლივი ამ რეფერენდუმში, რომ საქართველომ მთლიანად, თავისი მეთაურით და თავისი ხალხით, უარი თქვა რუსეთზე, უარი თქვა იმ უახლოეს წარსულზე, რომელიც მონობის წარსული იყო.

ეს კითხვა, სამწუხაროდ, ჩვენს წინაშე დგას 35 წლის მერეც, რასაც არავინ იფიქრებდა, ჩვენ არ ვიფიქრებდით იმას, რომ ხელახლა, ასე ტრაგიკულად იქნებოდა დასმული კითხვა - რა გინდათ, რუსეთი თუ საქართველო? რუსეთი თუ თავისუფლება? რუსეთი თუ დამოუკიდებლობა? რუსეთი თუ სახელმწიფო? და ჩვენი პასუხი კიდევ ერთხელ არის გასაცემი, გასაცემი კიდევ ერთხელ ყველასი ერთად, რადგან არაფერი ისე არ უწყობს ხელს რუსეთს და მტერს, როგორც ერის დაყოფა.

რუსეთი ყველა მხრივ, ყველანაირად ცდილობს, რომ სწორედ დაგვყოს და ყველანაირად ცდილობს რუსული რეჟიმი საქართველოში, რომ არ შედგეს ერთობა, არ შედგეს ერის ნება, არ დავინახოთ საითკენ უნდა საქართველოს სვლა, საითკენ უნდა საქართველოს განვითარება. ასე რომ, ეს პასუხი დღესაც ჩვენი გასაცემია. პასუხს უკვე სცემენ ახალგაზრდები, რომლებიც დღეს ციხეში არიან და ციხიდან გვეუბნებიან, რომ ჩვენი მომავალი არის ერთობაში და ერთად გაცემულ პასუხშია, არა რუსეთს, კი საქართველოს." - განაცხადა ზურაბიშვილმა. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია