მოსკოვის ტაგანსკის რაიონულმა სასამართლომ ტელეარხ „დოჟდის“ რედაქტორსა და ჟურნალისტ ვალერია კიჩიგინას დაუსწრებლად 10 წლით თავისუფლების აღკვეთა მიუსაჯა სამხედრო „ყალბების“ სავარაუდო გამოქვეყნებისთვის.

ეს რუსეთში პირველი ცნობილი საქმეა, რომელშიც ბრალდებები არა მხოლოდ უკრაინაში ომის, არამედ 2008 წლის საქართველოს ომის კრიტიკულ მასალებზეც არის დაფუძნებული.

კიჩიგინას ბრალი ედება:

რუსეთის ოკუპაციის შემდეგ უკრაინაში, ბუჩაში მომხდარი მასობრივი მკვლელობების შესახებ ჟურნალისტ დიმიტრი კოლეზევის სტატიის ხელახლა გამოქვეყნებაში;
2008 წლის რუსეთ-საქართველოს ომის შესახებ ინსტაგრამის ისტორიების გამოქვეყნებაში წარწერით: „დღეს საქართველოში ხუთდღიანი ომის დაწყების წლისთავი აღინიშნება. 7-8 აგვისტოს ღამეს რუსეთის ჯარები შეიჭრნენ ქვეყანაში და დაბომბეს მშვიდობიანი ქალაქები. უკვე 15 წელია, საქართველოს 20% რუსეთის მიერ არის ოკუპირებული“.
კიჩიგინა მიიჩნევს, რომ მას ძირითადად ე.წ. „ბაიმაკის საქმის“ გაშუქების გამო დევნიან და რომ მისი პოსტი საქართველოში ომის შესახებ საბაბად გამოიყენებოდა.

მან რუსეთი 2023 წელს დატოვა, სისხლის სამართლის საქმე კი 2024 წლის ნოემბერში აღიძრა. გასული წლის მარტში კიჩიგინა დაუსწრებლად დააკავეს და ძებნილთა სიაში შეიტანეს.

ადამიანის უფლებათა დამცველები კიჩიგინას საქმეს პრეცედენტულს უწოდებენ. საქმე ორ ინციდენტს მოიცავს: ჟურნალისტ დიმიტრი კოლეზევის მიერ ბუჩაში მომხდარი მოვლენების ანალიზის 2022 წელს გამოქვეყნებულ რეპორტაჟს და 2008 წლის აგვისტოს საქართველოში ომის შესახებ სტატიას. თავად კიჩიგინას თქმით, სწორედ მეორე ინციდენტმა გამოიწვია მისი დევნა. ის აღნიშნავს, რომ მის სოციალურ ქსელებში გამოქვეყნებულ პოსტებში უკრაინის შესახებ მრავალი პოსტი იყო, ომის საწინააღმდეგო პოზიციით და საომარი მოქმედებების დასრულებისკენ მოწოდებით. თუმცა, გამომძიებლებმა საქართველოს შესახებ სტატია აირჩიეს.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში