03:17 - 07 May, 2026
ჩვენ შესახებ რეკლამა/ხელმოწერა
2026-03-21 15:01:59, 5215 ნახვა

პოლიტიკა
Reuters: ჯეი დი ვენსი უნგრეთში ჩასვლას ორბანის მხარდასაჭერად გეგმავს

Reuters-ის ცნობით, აშშ-ის ვიცე-პრეზიდენტი ჯეი დი ვენსი აპრილის დასაწყისში უნგრეთს ეწვევა. ორი წყაროს ინფორმაციით, ვენსი უნგრეთში ჩასვლას ორბანის მხარდასაჭერად გეგმავს.

ვიზიტის შესახებ ინფორმაცია დაადასტურა უნგრეთის საგარეო საქმეთა მინისტრმა, პიტერ სიიარტომ.

"თუ სწორად ვიცი, აშშ-ის ვიცე-პრეზიდენტი უნგრეთს აპრილის დასაწყისში ეწვევა", -განაცხადა სიიარტომ Otpontban-ის პოდკასტში. მისი თქმით "ეს აშშ-სა და უნგრეთს შორის შესანიშნავი ურთიერთობების შედეგია, რაც პერიოდულად პირად შეხვედრებშიც გამოიხატება".

ჯეი დი ვენსის ვიზიტამდე, თებერვალში ბუდაპეშტს აშშ-ის სახელმწიფო მდივნი, მარკო რუბიო ეწვია, რომელმაც საჯაროდ დაუჭირა მხარი ორბანს. მისი თქმით, ორბანი ამჟამად რთულ მდგომარეობაშია. "ორბანს უწევს გამკლავება სუსტი ეკონომიკის, ენერგომატარებლების ფასების მკვეთრი ზრდისა და ისეთი მეტოქის ფონზე, რომელსაც რეალურ ალტერნატივად მიიჩნევენ", - აღნიშნა რუბიომ.

ორბანი, რომელიც აშშ-ის პრეზიდენტ დონალდ ტრამპის ერთ-ერთ უახლოეს მოკავშირედ მიიჩნევა ევროპაში, უკვე დიდი ხანია ევროკავშირთან უთანხმოებაშია არაერთ საკითხზე, მათ შორის უკრაინასთან დაკავშირებით. ბრიუსელის პოზიციის წინააღმდეგ, მან შეინარჩუნა კეთილგანწყობილი ურთიერთობები მოსკოვთან, უარს ამბობს უკრაინისთვის იარაღის მიწოდებაზე და აცხადებს, რომ კიევი ვერასოდეს გახდება ევროკავშირის წევრი.

ტრამპმა გასულ თვეში ორბანს მხარდაჭერა გამოუცხადა და სოციალურ მედიაში მას "ნამდვილად ძლიერი და გავლენიანი ლიდერი" უწოდა. ამერიკული მემარჯვენე სპექტრის ბევრი წარმომადგენელი კი, ორბანს ტრამპის მკაცრი იმიგრაციული პოლიტიკისა და ქრისტიანული კონსერვატიზმის მხარდაჭერის ერთგვარ მოდელად განიხილავს.


ცნობისთვის, უნგრეთის მოქმედი პრემიერი ვიქტორ ორბანი სხვადასხვა სოციოლოგიური კვლევის მიხედვით, 12 აპრილის არჩევნების წინ ჩამორჩება თავის ცენტრისტ-მემარჯვენე მეტოქეს, პეტერ მაგიარს.





ავტორი: ექსპრესნიუსი,


სოციალური ქსელები
„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა
ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული
მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს
ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics