"რაც შეეხება წამებას, წამება თვითონ არის სიცრუე. რაც შეეხება ძალადობრივ ინციდენტებს, გადაცდომებს, მათ შორის სავარაუდოდ დანაშაულებრივ გადაცდომებს, აქ პრაქტიკული პრობლემები იყო, რის გამოც კონკრეტული დამნაშავეების დასჯა ვერ მოხერხდა, თუმცა ჩვენ უკვე მივიღეთ ზომები, იმისათვის, რომ ასეთი რამ აღარ განმეორდეს ჩვენ ქვეყანაში და გახსოვთ, რომ მათ შორის ამ მიღებული ზომების შედეგია 4 ოქტომბრის პროცესები - 4 ოქტომბერს ერთი თმის ღერი არავის ჩამოვარდნია, ისე მოხერხდა დაპირისპირება ხელისუფლების რევოლუციური გზით შეცვლის მორიგ მცდელობასთან. შენიშვნა, რომელიც არის გამოთქმული ძალადობრივ ინციდენტებთან დაკავშირებით, რა თქმა უნდა, მხედველობაში მისაღებია - ჩვენ უკვე მივიღეთ ზომები ამ ყველაფერთან დაკავშირებით და მომავალშიც აქტიურ ზომებს მივიღებთ.

იდენტიფიცირება ვერ მოხერხდა კონკრეტული ადამიანების. რამდენიმე იყო ასეთი შემთხვევა, იყო დაახლოებით 3-4 შემთხვევა, როდესაც კონკრეტული გადაცდომები იყო აშკარად სახეზე და საჯაროდაც გავრცელდა ინფორმაცია, თუმცა კონკრეტული პირების იდენტიფიცირება ვერ მოხერხდა. მაგალითად იყო ერთ-ერთი კონკრეტული ჟურნალისტის შემთხვევა, იყო ერთ-ერთი ახალგაზრდის შემთხვევა, ერთ-ერთი პოლიტიკოსის შემთხვევა - ეს იყო გადაცდომაზე მეტი, სავარაუდოდ, რომ არ დავარღვიოთ უდანაშაულობის პრეზუმფცია, ეს იყო თავისი შინაარსით დანაშაულებრივი გადაცდომები და ინციდენტები, თუმცა ვერ მოხერხდა კონკრეტული პირების იდენტიფიცირება, მაგრამ ჩვენ მივიღეთ ზომები იმისათვის, რომ მომავალში აღარ მომხდარიყო ასეთი რამ. ამის კიდევ ერთი დასტურია 4 ოქტომბერი და პასუხისმგებლობას ვიღებთ, რომ ახალი მენეჯმენტით მომავალში მაქსიმალურად იქნება თავიდან არიდებული ასეთი გადაცდომები.

იყო 4 მძიმე გადაცდომა, სამწუხაროდ, ვერცერთ შემთხვევაში იდენტიფიცირება ჯერჯერობით ვერ მოხერხდა - როგავა, ხაბეიშვილი, ერთ-ერთი ახალგაზრდა იყო და მეოთხე შემთხვევა იყო ლეონიძის ქუჩაზე. ეს იყო 4 შემთხვევა", - ამბობს ის. 

ავტორი: ექსპრესნიუსი,

სოციალური ქსელები

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის

კობახიძე - როდესაც ხელოვნურად ცდილობ, გააღვივო რუსოფობია ქვეყანაში, ეს ნიშნავს იმას, რომ საკუთარ ქვეყანას უწყობ პროვოკაციას