ევროკავშირის გაფართოების სტრატეგია - დღეს პეტრას აუსტრევიჩუსის მიერ მომზადებულ რეზოლუციაზე  ევროპარლამენტში დებატები გაიმართება. საქართველო მხოლოდ ჩამონათვალშია და კრიტიკულად არის შეფასებული. ყურადღება ძირითადად გამახვილებულია უკრაინაზე, მოლდოვასა და ბალკანეთის ქვეყნებზე. დოკუმენტში საუბარია რომ გაწევრიანების პროცესი მიღწევებზეა დაფუძნებული.

როგორც პეტრას აუსტრევიჩუსმა "ევროკსოპთან" განაცხადა, რეზოლუციაში საქართველო მესამე ჯგუფშია, რაც ინტეგრაციის პოლიტიკის არარსებობას გულისხმობს.

საქართველოს მთავრობას ქვეყანა არა ევროპისკენ, არამედ რუსეთისკენ მიჰყავს - ამბობს ევროპარლამენტარი. 

აუსტრევიჩუსის თქმით,  ქართულ ოცნებას ქვეყანა აღმოსავლეთისკენ მიჰყავს. ისა სევე საუბრობს  საქართველოში პოლიტიკურდა დემოკრატიულ უკუსვლაზე. 

საქართველო ბრუნდება ე.წ. დამოუკიდებელი სახელმწიფოების თანამეგობრობაში, რომელსაც რუსეთი ხელმძღვანელობს. ასე რომ, გილოცავთ. ბრიუსელის ნაცვლად, თქვენ გეყოლებათ მეტი მოსკოვი - აცხადებს ევროპარლამენტარი.

საქართველო არის ნახსენები რეზოლუციაში, მაგრამ ყველა კანდიდატ ქვეყანას სამ ჯგუფად დავყოფდი. სამწუხაროდ, საქართველო მესამე ჯგუფშია, რაც ინტეგრაციის პოლიტიკის არარსებობას გულისხმობს. ვხედავ, რომ საქართველოში ინტეგრაცია შეჩერებულია. დარწმუნებული ვარ, რომ საქართველოს მთავრობას ქვეყანა არა ევროპისკენ, არამედ რუსეთისკენ მიჰყავს. და თუ ეს მთავრობის არჩევანია, მაშინ ევროკავშირის მხრიდან გარკვეული აღიარება ექნება და აქვს კიდეც. ასე რომ, საქართველო კრიტიკულად არის შეფასებული. სამწუხაროდ, ვერ ვხედავთ დიდ შედეგებს, რაც ჩვენზე შთაბეჭდილებას მოახდენდა. პოლიტიკური, დემოკრატიული უკუსვლა აშკარაა.სამწუხაროდ, ქართულ ოცნებას ქვეყანა აღმოსავლეთისკენ მიჰყავს. ვხედავ, რომ საქართველო ბრუნდება ე.წ. დამოუკიდებელი სახელმწიფოების თანამეგობრობაში, რომელსაც რუსეთი ხელმძღვანელობს. ასე რომ, გილოცავთ. ბრიუსელის ნაცვლად, თქვენ გეყოლებათ მეტი მოსკოვი. ყველაფერი დამოკიდებულია საქართველოზე.  ჩვენ ასე ვაფასებთ: ფაქტობრივად, ინტეგრაცია ჩიხშია. ვერ ვხედავთ საქართველოს წარმომადგენლებს. ისინი არ მოდიან აღმოსავლეთ პარტნიორობის შეხვედრებზე. გულწრფელად რომ ვთქვათ, მათ არ აქვთ არანაირი გზავნილი. ამიტომაც არ მოდიან. ვერ ხედავენ ამაში რაიმე სარგებელს. მაგრამ კარი ღიაა. თუმცა ვხედავთ, როგორ უხსნის კარს „ქართული ოცნება“ აღმოსავლეთის ინტეგრაციას.  წარმატებებს გისურვებთ  ქვეყნის წარსულში დაბრუნებაში", - განაცხადა აუსტრევიჩუსმა. 

ავტორი: ექსპრესნიუსი,

სოციალური ქსელები

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი